કેન્દ્રીય પરિવહન મંત્રી નીતિન ગડકરીએ એક મોટી જાહેરાત કરી છે. તેમણે કહ્યું છે કે ઓગસ્ટ મહિનાથી બજારમાં ઇથેનોલથી ચાલતી બાઇક અને કાર આવી રહી છે.

હવે પેટ્રોલની જરૂર નહીં પડે કે ડીઝલ કે સીએનજી જેવા મોંઘા ઈંધણની જરૂર નહીં પડે. ઓગસ્ટ મહિનાથી આ કાર રસ્તાઓ પર ઇથેનોલથી ચાલશે. કેન્દ્રીય માર્ગ પરિવહન મંત્રી નીતિન ગડકરીએ એક મોટી જાહેરાત કરતા કહ્યું છે કે ઓગસ્ટ મહિનામાં ઇથેનોલ પર ચાલતી કાર બજારમાં આવશે. ભાજપે આજે (23 જૂન, શુક્રવાર) મુંબઈમાં રાઉન્ડ ટેબલ કોન્ફરન્સનું આયોજન કર્યું હતું. મોદી @9 અભિયાન હેઠળ આયોજિત આ કાર્યક્રમને સંબોધિત કરતી વખતે કેન્દ્રીય મંત્રીએ આ માહિતી આપી હતી.

આ રાઉન્ડ ટેબલ કોન્ફરન્સમાં કેન્દ્રીય રોડ ટ્રાન્સપોર્ટ, હાઈવે, શિપિંગ ઉપરાંત જળ સંસાધન મંત્રી નીતિન ગડકરી, ભાજપના પ્રદેશ અધ્યક્ષ ચંદ્રશેખર બાવનકુલે અને મુંબઈ ભાજપ અધ્યક્ષ આશિષ શેલાર પણ હાજર હતા. આ કાર્યક્રમમાં આ તમામ નેતાઓ કેન્દ્ર સરકારની યોજનાઓ અને ઉપલબ્ધિઓ વિશે માહિતી આપી રહ્યા હતા. આ સંદર્ભમાં નીતિન ગડકરીએ છેલ્લા નવ વર્ષમાં ભારતે કેટલી પ્રગતિ કરી છે તેનું ઉદાહરણ આપતા કહ્યું કે ઓગસ્ટ મહિનાથી ઇથેનોલ પર ચાલતી કાર પણ બજારમાં આવી રહી છે.