ભાવનગર મહાનગર પાલિકાના ઓફિસર્સ એસોસીએશનની પ્રથમ વખત ચૂંટણી થઈ હતી. જેમાં બે ડોકટર અધિકારીની પ્રમુખ પદે દાવેદારી થઈ હતી. ૯૯ પૈકી ૭૮ મતદાન થતા વિજેતા ૫૧ મતથી ડો. હિરપરાને પ્રમુખપદે જાહેર કરાયા હતા. મહાનગર પાલિકામાં દાયકાઓથી ક્યારેક ઓફીસર્સ એસોસીએશનની ચૂંટણી થઈ નથી. અત્યાર સુધી વી. એન. પંડિતને પ્રમુખ તરીકે તાજ પહેરાવેલો હતો. તે નિવૃત્ત થઈ ગયા હતા. હવે અધિકારીઓએ ફરી એસોસીએશન કાર્યરત કરવા પ્રમુખની ચૂંટણી કરી હતી, ચૂંટણી અધિકારી તરીકે પથુભા રાણાએ ચૂંટણી પ્રક્રિયા હાથ ધરી હતી. જેમાં કુલ ૯૯ મતદારો નોંધાયા હતા. જે પૈકી કુલ ૭૮ અધિકારીઓએ મતદાન કર્યુ હતું. જેમાં વિજેતા ઉમેદવાર ઉમેદવાર ડો. મહેશભાઈ હિરપરાને ૫૧ મત તથા હરીફ ઉમેદવાર આરોગ્ય વિભાગમાં ફરજ બજાવતા ડોકટર દિવ્યરાજસિંહ ચુડાસમાને ૨૭ મત મળ્યા હતા, જેથી આસી. કમિશનર ડો. મહેશ હિરપરાને પ્રમુખ પદે ચૂંટાયેલા જાહેર કરાયા હતા.