રાહુલ ગાંધી અમેરિકામાં ’મોહબ્બત કી દુકાન’થી અમેરિકાના પ્રવાસે છે. બુધવારે સાન ફ્રાન્સિસ્કોમાં ભારતીયોને સંબોધિત કરતી વખતે રાહુલ ગાંધીએ વડાપ્રધાન નરેન્દ્ર મોદી પર આકરા પ્રહારો કયર્િ હતા. કોંગ્રેસ નેતાએ કહ્યું કે પીએમ મોદીને લાગે છે કે તેઓ બધુ જાણે છે. તેઓ વૈજ્ઞાનિકોને વિજ્ઞાન સમજાવી શકે છે. તેઓ ભગવાનને પણ સમજાવી શકે છે. કેટલાક લોકો માને છે કે તેઓ ભગવાન કરતાં વધુ જાણે છે. એવું માનવું ખોટું છે કે એક વ્યક્તિ બધું જ જાણે છે, તે એક રોગ છે. આપણા દેશમાં એવા કેટલાક જૂથો છે જેઓ વિચારે છે કે તેઓ બધું જ જાણે છે, કદાચ ભગવાન કરતાં પણ વધુ. વડાપ્રધાન મોદી જો ઈશ્વરની સામે બેસે તો તેમણે પણ સમજાવે કે બ્રહ્માંડનું સંચાલન કઈ રીતે થાય. અને ભગવાન આશ્ચર્યમાં પડી જાય કે મેં શું બનાવ્યું છે.
આ સાથે તેમણે ભારત જોડો યાત્રાનો ઉલ્લેખ કરતા કહ્યું કે તેને રોકવાનો પ્રયાસ કરવામાં આવ્યો હતો. દેશમાં લોકોને ડરાવવામાં આવી રહ્યા છે અને સંસ્થાઓનો દુરુપયોગ થઈ રહ્યો છે. રાહુલ ગાંધીએ કહ્યું કે જ્યારે ભારત જોડો યાત્રામાં બધા એક સાથે ચાલવા લાગ્યા ત્યારે સરકારે તેને રોકવા માટે રણનીતિ અપ્નાવવાનું શરૂ કર્યું. યાત્રા રોકવાના પ્રયાસો શરૂ થયા. આ માટે પોલીસ, સંગઠનો તમામ તૈનાત હતા પરંતુ યાત્રા અટકી ન હતી.


સાન ફ્રાન્સિસ્કોમાં મોહબ્બતેન શોપ કાર્યક્રમમાં ભારતીયોને સંબોધતા તેમણે કહ્યું કે મેં ભારત જોડો યાત્રા દ્વારા નફરતના બજારમાં લવશોપ ખોલી છે. પ્રવાસ દરમિયાન લોકોએ મને પૂછ્યું કે તું થાકતો નથી. મેં કહ્યું ના, આખું ભારત મારી સાથે જઈ રહ્યું છે.
’બધા પ્રયત્નો પછી
પણ યાત્રા અટકી નહીં’
તેણે કહ્યું કે તે સમયે જે પ્રેમ મળી રહ્યો હતો તે દરમિયાન કોઈ થાકતું નથી. એકબીજાને મદદ કરતા હતા. જ્યારે બધા તમારી સાથે ચાલવા લાગે છે, ત્યારે તમને એક અલગ પ્રકારની ઉર્જા મળે છે. તેને રોકવાના તમામ પ્રયાસો બાદ પણ યાત્રા પૂર્ણ થઈ હતી. જોકે પાછળથી ખબર પડી કે આ પ્રવાસમાં ચાલવું એટલું સરળ નહોતું.

’નવા સંસદ ભવનનો
મુદ્દો અન્યત્ર ધ્યાન દોરવા માટે’
રાહુલે વધુમાં કહ્યું કે ભાજપ-આરએસએસ બંધારણ પર હુમલો કરી રહ્યા છે.
સાથે જ નવા સંસદ ભવનનો મુદ્દો બેરોજગારી, મોંઘવારી જેવા મુદ્દાઓ પરથી ધ્યાન હટાવવાનો છે. દેશના મુસ્લિમો અનુભવી રહ્યા છે કે તેમના પર વધુ હુમલા થઈ રહ્યા છે. જ્યારે ભારત નફરતમાં માનતું નથી. રાહુલ ગાંધી તેમના 10 દિવસના પ્રવાસ માટે મંગળવારે રાત્રે અમેરિકા પહોંચી ગયા છે. રાહુલ ગાંધી 10 દિવસમાં અનેક અલગ-અલગ કાર્યક્રમોમાં સામેલ થશે.
રાહુલે કહ્યું- મીડિયા
જે બતાવે છે તે ભારત નથી
રાહુલે કહ્યું કે આજે દેશમાં મુસ્લિમો સાથે જે થઈ રહ્યું છે તે 80ના દાયકામાં દલિતો સાથે થયું હતું. આપણે આને પ્રેમથી જીતવું છે, નફરતથી. ભારતીય મીડિયા પર કટાક્ષ કરતા તેમણે કહ્યું કે ભારત વાસ્તવમાં એવું નથી જે મીડિયા બતાવે છે. મીડિયા કથાને પ્રોત્સાહન આપે છે.