ભવનાથ વિસ્તારમાં પ્લાસ્ટિક પ્રતિબંધની કડક અમલવારી માટે ગઈકાલે રેવન્યુ, ફોરેસ્ટ અને મનપા તંત્ર દ્વારા સંયુક્ત ડ્રાઇવ હાથ ધરવામાં આવી હતી. જેમાં દુકાનદાર સહિતનાઓને રુ.૨૫,૮૦૦નો દંડ કરવામાં આવ્યો હતો. અને નિયમના ઉલ્લ ંઘન કરવા બદલ બે દુકાનો સીલ કરવામાં આવી હતી.  તંત્ર દ્વારા ભવનાથ ઉપરાંત અન્ય પ્લાસ્ટિક પ્રતિબંધિત વિસ્તારોમાં હોલસેલ વેપારીઓને પણ પ્લાસ્ટિક નો માલ ન આપવા તાકીદ કરાઈ હતી.  રવિવારે  પ્રાંત અધિકારી  ભૂમિબેન કેશવાલા,  મહાનગરપાલિકાના આસિસ્ટન્ટ કમિશનર, ટેક્સ અને સેક્રેટરી  કલ્પેશ ટોલીયા, આરએફઓ અરવિંદ ભાલીયા સહિતના અધિકારીઓ -કર્મચારીઓની ટીમે તળેટી વિસ્તારમાં પ્રતિબંધિત પ્લાસ્ટિકના વપરાશને અટકાવવા માટે ચેકિંગ ધરી કાર્યવાહી હાથ ધરી હતી. જેમાં ભવનાથ વિસ્તારમાં પ્રતિબંધિત પ્લાસ્ટિકનું વેચાણ કરનારની દુકાન સીલ કરવામાં આવી હતી. શહેરમાં આવેલ હોલસેલ વેપારીઓની દુકાનમાં ચેકિંગ હાથ કરવામાં આવ્યું હતું જેમાં અંદાજે ૮૦૦ કિલોથી વધુ પ્લાસ્ટિક જપ્ત કરવામાં આવ્યું હતું. અને એક દુકાન પણ સીલ કરવામાં આવી હતી. ચેકિંગ ટીમે ભવનાથ વિસ્તાર અને શહેરમાં એક મળી કુલ બે દુકાન સીલ કરવામાં આવી હતી. તંત્રના ચેકિંગ ઝુંબેશ થી તળેટી વિસ્તારની દુકાનો ધડાધડ બંધ થઈ ગઈ હતી