ભાવનગર પશ્ચિમના ધારાસભ્ય અને પૂર્વ પ્રદેશ અધ્યક્ષ પૂર્વ કેબિનેટ મંત્રી જીતુ વાઘાણી દ્વારા ગુજરાતના  પુત્ર વૈશ્વિક નેતા નરેન્દ્ર મોદીના જન્મદિન નિમિત્તે આજે  તા.૧૭-૯-૨૦૨૪ને મંગળવાર સવારે-  છગનભાઈ નાવડિયાની ઓફીસ  ભાવના સોસાયટી, બોરતળાવ, ભાવનગર ખાતે એક મેગા મેડિકલકેમ્પનું આયોજન કરવામાં આવ્યું હતુ.

જેમાં રેડક્રોસ સંસ્થા દ્વારા સેવાઓ અપાઈ હતી. જનરલ હેલ્થ ચેકઅપ કેમ્પ, ઇખઈં (વ્યક્તિ ની ઉંમરના આધારે તેનું વજન કેટલું હોવું જોઈએ કોલેસ્ટ્રોલ કેટલું હોવું જોઈએ વિગેરે તપાસ) રિપોર્ટ, જનરલ જરૂરી દવાઓ, હિમોગ્લોબીનની તપાસ, હાડકાની ઘનતા માપવા માટે ઇખઉ ટેસ્ટ આંખોની તપાસ માટે ઓટો કેરેટો અને ઓટો રેફ મારફતે તપાસ (મોતિયો જામર વગેરે તપાસ), મોઢાના ઓરલ કેન્સરના નિદાન માટે પ્રાથમિક તપાસ દાંતના રોગોનું નિદાન સારવાર કરવામાં આવી હતી.

આ વિનામૂલ્યે મેગા મેડિકલ નિદાન કેમ્પ તથા જનરલ હેલ્થ ચેકઅપ કેમ્પનો  ભાવેણાવાસીઓએ બહોળા પ્રમાણમાં લાભ લીધો હતો.જરૂરિયાતમંદ દર્દીઓને  સૌ પ્રથમ ડોક્ટર દ્વારા જનરલ ચેકઅપ કરવામાં આવ્યું હતુ અને ત્યારબાદ ડોક્ટરની સલાહ અને દર્દીની ફરિયાદ આધારે તમામ રિપોર્ટ વિનામૂલ્યે કરી આપવામાં આવ્યા હતા.