રાજકોટ પોરબંદર વેરાવળ માં મહત્તમ તાપમાન નો પારો 35 ડીગ્રી ને પાર કરી ગયો છે. આગામી 48 કલાક દરમિયાન રાજ્યના તાપમાનમાં બેથી ચાર ડિગ્રીનો વધારો થશે તેવી ચેતવણી હવામાન ખાતા દ્વારા આપવામાં આવી છે.
રાજકોટમાં 35.3 પોરબંદરમાં 35.2 વેરાવળમાં 35 જામનગરમાં 33.2 કંડલામાં 34.6 નલિયામાં 33.4 અમદાવાદમાં 34.4 વડોદરામાં 34 ભુજમાં 33.7 દાહોદમાં 32.2 ડાંગમાં 34 ડીસામાં 33.7 અને ગાંધીનગરમાં 34.8ઓ મહત્તમ તાપમાન રહેવા પામ્યું છે. ગુજરાતમાં ઉનાળા જેવી ગરમી છે અને હજુ તેમાં વધારો થશે તેવી આગાહી છે તો બીજી બાજુ આસામ નાગાલેન્ડ મેઘાલય અરુણાચલમાં વરસાદ વરસી રહ્યો છે વેસ્ટર્ન ડિસ્ટર્બન્સ ની અસર ના કારણે જમ્મુ કશ્મીર લદાખ અને હિમાલયન રિજીયનમાં હિમવષર્િ સાથે વરસાદ પડી રહ્યો છે. દિલ્હી હરિયાણા ચંદીગઢ રાજસ્થાન પંજાબ ઉત્તર પ્રદેશ પશ્ચિમ બંગાળ ઓડીસા સહિતના રાજ્યોમાં પણ જુદી જુદી સિસ્ટમના કારણે વરસાદની આગાહી હવામાન ખાતા દ્વારા કરવામાં આવી છે. આજથી આગામી તારીખ 22 સુધી આ વિસ્તારોમાં રાજ્યોમાં વરસાદ માટેનું એલર્ટ હવામાન ખાતા દ્વારા આપવામાં આવ્યું છે. ગુજરાતમાં મહત્તમની સાથો સાથ લઘુતમ તાપમાન પણ હવે 18 થી 20 ડિગ્રીની રેન્જમાં આવી ગયું છે. સવારથી આખો દિવસ ઉનાળા જેવી ગરમીનો અહેસાસ થતો હોવાથી પંખા એસી ચાલુ થઈ ગયા છે.