દિલ્હી-એનસીઆરમાં હવામાનમાં અચાનક પલટો આવ્યો છે. અનેક શહેરોમાં ભારે આંધી સાથે વરસાદ વરસી રહ્યો છે, જેનાથી લોકોને ગરમીથી રાહત મળી છે. દિવસ દરમિયાન તાપમાનમાં વધારો અને લૂના કારણે ગરમી વધી ગઈ હતી. દિલ્હીની વાયુ ગુણવત્તા ખરાબ શ્રેણીમાં યથાવત છે. ગુરુગ્રામ, નોઇડા અને ગાઝિયાબાદ જેવા એનસીઆર વિસ્તારોમાં પણ હવામાન બદલાયું છે.

​​​​​​​દિવસભરની ભીષણ ગરમી અને લૂના થપાડાઓ બાદ રાત્રે આઠ વાગ્યા પછી અચાનક હવામાન બદલાઈ ગયું. ધૂળવાળી તેજ આંધી ચાલી અને રસ્તાઓ પર કંઈ દેખાતું નહોતું.

આંધીના કારણે અનેક જૂના અને ભારે વૃક્ષોની ડાળીઓ પણ રસ્તાઓ પર તૂટી પડી હતી. આંધીના કારણે શહેરના અનેક વિસ્તારોમાં વીજળી પુરવઠો ખોરવાઈ ગયો અને રહેણાંક વિસ્તારોમાં અંધારપટ છવાઈ ગયો, જેના કારણે લોકોને મુશ્કેલીનો સામનો પણ કરવો પડ્યો.