શહેરની ટીમે રાજકોટ– અમદાવાદ હાઈવે પર લાલપરી નદીના પુલ પાસેથી સોમવાર રાત્રિના કારમાં પિસ્તોલ અને પાંચ જીવતા કાર્ટીસ સાથે ફ્રત્પટના ધંધાર્થી ચાર શખસોને ઝડપી લીધા હતા તેમની પૂછતાછ કરતા તેઓ મહારાષ્ટ્ર્ર ફરવા ગયા હોય દરમિયાન મધ્યપ્રદેશની બોર્ડર પાસે આવેલા કરનાલ ગામમાંથી આઝાદસિંગ નામના શખસ પાસેથી આ હથિયાર ખરીધું હોવાની કબુલાત આપી હતી. આરોપીઓ પૈકી એકને માથાકૂટ ચાલતી હોય જેથી તેણે હથિયાર સાથે રાખ્યું હતું. આ અંગે પોલીસે આરોપીઓને રિમાન્ડની માંગણી સાથે રજૂ કરતા આરોપીઓના એક દિવસના રિમાન્ડ મંજૂર થયા છે. એમપીના શખસને ઝડપી લેવા પોલીસે તપાસ હાથ ધરી છે.
જાણવા મળતી વિગતો મુજબ, એસઓજીના પીઆઇ એસ.એમ.જાડેજા પીએસઆઇ આર.જે.કામળિયા તથા તેમની ટીમ પેટ્રોલિંગમાં હતી. દરમિયાન હેડ કોન્સ્ટેબલ ખુમાનસિંહ ચૌહાણ અને કોન્સ્ટેબલ કિશોરભાઈ ઘુઘલને મળેલી બાતમીના આધારે લાલપરી નદીના પુલ પાસે વોચ ગોઠવી હતી. દરમિયાન અહીંથી સ્વીટ કાર પસાર થતા પોલીસે તેને અટકાવી હતી. જેમાં તપાસ કરતા દેશી બનાવટની પિસ્ટોલ અને પાંચ જીવતા કાર્ટીસ મળી આવ્યા હતા. પોલીસે કારમાં બેઠેલા સંદીપ સુદામાભાઈ નાવાણી (ઉ.વ ૩૨ રહે. અર્પણ પાર્ક શેરી નંબર–૧ રેલનગર), અભય ઉર્ફે લાલો ચંદુભાઈ મા (ઉ.વ ૨૬ રહે એકતા સોસાયટી શેરી નંબર ૨, ભગવતીપરા), મયુર પ્રકાશભાઈ ટોલાણી(ઉ.વ ૨૪ રહે. ગુજીનગર નજીક રૈયા ગામ) અને વીકી ઉર્ફે અજય સુરેશભાઈ વધાવા (ઉ.વ ૨૫ રહે ઋષિકેશ સોસાયટી શેરી નંબર–૩ રેલનગર) ની ધરપકડ કરી તેમની પાસેથી હથિયાર કાર્ટીસ તથા ચાર મોબાઇલ કબજે કર્યા હતા.
પોલીસે જણાવ્યું હતું કે, ચારેય આરોપીઓ ફ્રુટના ધંધાર્થી છે દિવાળીની રજા હોવાથી મહારાષ્ટ્ર્રના ભુસાવળમાં ફરવા માટે ગયા હતા યાં બે દિવસ રોકાયા બાદ મધ્યપ્રદેશની બોર્ડર આવતા કરનાલ ગામમાંથી આઝાદસિંગ નામના શખસ પાસેથી સંદીપે . ૨૫,૦૦૦ માં પિસ્તોલ અને કાર્ટીસ ખરીદી હતી. સંદીપ સાધુ વાસવાની રોડ પર ફ્રત્પટની લારી ચલાવે છે અહીં કેટલાક લોકો સાથે તેને માથાકૂટ ચાલતી હોય જેથી તેણે હથિયાર ખરીધું હતું. પોલીસે હથિયાર સપ્લાય કરનાર એમપીના શખસને ઝડપી લેવા તપાસ હાથ ધરી છે