શહેરમાં બે જગ્યાથી પોલીસે દારૂ સાથે બે શખ્સોને ઝડપી લીધા છે, એલસીબી ઝોન-1ની ટીમે પોલીસે કુવાડવા રોડ પરથી ઈંગ્લીશ દારૂની 18 બોટલ સાથે મોરબી હાઉસ પાસે રહેતા શખ્સને અને એ ડિવિઝન પોલીસે રામનાથપરામાંથી દારૂની આઠ બોટલ સાથે શખ્સે ઝડપી પાડી કાર્યવાહી કરી છે.

પોલીસ સૂત્રોમાં નોંધાયેલી વિગત મુજબ એલસીબી ઝોન-1ની ટિમ પેટ્રોલીંગમાં હતો ત્યારે કુવાડવા રોડ પર રણછોડદાસ બાપુના આશ્રમ પાસેથી પસાર થતા શંકાસ્પદ શખ્સને રોકી પૂછપરછ કરવામાં આવતા પોતાનું નામ ફરદીનખાન સહેઝાદખાન પઠાણ (રહે-જામનગર રોડ, મોરબી હાઉસ પાસે)નો હોવાનું જણાવ્યું હતું. પોલીસે શખ્સ પાસે રહેલા થેલાની તપાસ કરતા તે,આથી ઈંગ્લીશ દારૂની બોટલ નંગ 18 કી.રૂ.11,340ની મળી આવતા કબ્જે કરી શખ્સની અટકાયત કરી બી ડિવિઝન પોલીસ મથકમાં ગુનો નોંધાવી વધુ તપાસ હાથ ધરી છે,

બીજા દરોડામાં એ ડિવિઝન પોલીસે રામનાથપરા શેરી નંબર 20 માં રહેતા હિરેન ઉર્ફે બધો દિલીપભાઈ રાઠોડના મકાનમાં દરોડો પાડી ઘરમાંથી ઈંગ્લીશ દારૂની છ બોટલ સાથે હિરેનને ઝડપી પાડી ગુનો નોંધી આગળની કાર્યવાહી હાથ ધરી છે.