ગુજરાતના ભરૂચમાં મોટી દુર્ઘટના સર્જાઈ છે. ભરુચના દહેજ વિસ્તારમાં આવેલી GFL કંપનીમાં ગેસ લીકેજ થતાં ચાર કામદારના મોત થયા છે. ઘટનાની જાણ થતાં જ પોલીસ સ્ટાફ ઘટનાસ્થળે પહોંચી ગયો હતો.

ભરૂચના જીએફએલ કંપનીના સીએમએસ પ્લાન્ટમાં આ દુર્ઘટના ઘટી હતી, જેમાં ચાર કામદારોના મોત થયા છે. માહિતી મુજબ, વાલ્વ લીકેજ થતા ગેસ લીક થયો હતો. પ્રાથમિક સારવાર માટે કામદારોને તાત્કાલિક ખાનગી હોસ્પિટલમાં ખસેડાયા હતા જ્યાં સારવાર દરમિયાન તેમના મોત નિપજ્યા હતાં.

હાલ મૃતકોના મૃતદેહને પોસ્ટમોર્ટમ ખાતે ખસેડવામાં આવ્યા છે. પોલીસે સમગ્ર મામલે તપાસ હાથ ધરી છે.