ારિયાધારના ગુજરડા ગામે એક સિંહ આવી ચડયો હતો અને એક વૃદ્ધ ઉપર અચાનક હુમલો કરતા ભારે ખળભળાટ  મચી જવા પામ્યો હતો. સિંહ દ્વારા કરાયેલા હુમલામાં વૃદ્ધ ગંભીર રીતે ઘાયલ થતાં પ્રથમ ગારિયાધાર ખાતે તેમજ વધુ સારવાર માટે ભાવનગર હોસ્પિટલમાં સારવાર માટે ખસેડવામાં આવ્યા હતા. અચાનક ગામમાં સિંહ આવી ચડતા લોકોમાં ભારે ભય ફેલાયો છે. ઉપલબ્ધ વિગતો મુજબ ગારીયાધારના ગુજરડા ગામે રહેતા હરસુરભાઈ ભુરાભાઈ નાગહ (ઉ.વ.૬૪)ગુજરડા ગામે જુના ગામ તળાવ પાસે માલઢોરની ઝોક પાસે રાત્રિના સમયે બહાર સૂતા હતા તે વેળાએ ત્યાં એક સાવજ અચાનક આવી ચડ્યો હતો અને રાત્રિના સમયે સુતેલા હરસુરભાઇ ઉપર જીવલેણ હુમલો કરતા માથાના ભાગે ગંભીર ઈજા થવા પામી હતી. હરસુરભાઈને પ્રથમ ગારિયાધાર તેમજ વધુ સારવાર માટે ભાવનગર ખાતે ખસેડવામાં આવ્યા હોવાનું સુત્રો દ્વારા જાણવા મળ્યું હતું. ગુજરડા ગામે સિંહ આવી ચડતા ગામમાં રહેતા લોકોમાં ભારે ભય ફેલાયો  હતો.