જુગારના આ દરોડાની જાણવા મળતી વિગતો મુજબ,રાજકોટ જિલ્લા પોલીસ વડા હિમકરસિંહની સૂચનના પગલે રાજકોટ ગ્રામ્ય એલસીબી પીઆઇ વી.વી.ઓડેદરાની રાહબરી હેઠળ પીએસઆઇ એચ.સી.ગોહિલ તથા તેમની ટીમ પેટ્રોલીંગમાં હતી દરમિયાન મળેલી બાતમીના આધારે શહેરના ઉપલેટા સ્મશાન રોડ પર ધરારના ડેલા પાસે આવેલા મકાનમાં ચાલી રહેલા જુગારધામ પર દરોડો પાડી અહીં જુગાર રમતા સાત શખસોને ઝડપી લીધા હતાં.જેમાં દિલાવર ઓસમાણભાઇ હીંગોરા(રહે. સ્મશાન રોડ,ઉપલેટા), વિમલ રાજભાઇ કનારા(રહે. ચકલી ચોરા,ઉપલેટા), રમેશ મેઘાભાઇ સોંદરવા(રહે. અશ્ર્વિન ટોકીઝ પાસે,ઉપલેટા), અતુલ બચુભાઇ ધમર(રહે. નાની વાવડી,ધોરાજી), ભરત નાનુભાઇ જંજેરીયા(ઉ.વ રઘુવીર બંગલા,ઉપલેટા), પ્રતીક કીરીટભાઇ ઘોડાસરા(ઉ.વ ચીખલીયા, ઉપલેટા), મનોજ મગનભાઇ ઘોડાસરા(રહે. ચીખલીયા,ઉપલેટા), હીરા દેવરાજભાઇ ભીટ(રહે. અશ્ર્વિન ટોકીઝ પાસે,ઉપલેટા) અને વીરા બધાભાઇ વાંદા(રહે. અશ્ર્વિન ટોકીઝ,ઉપલેટા) નો સમાવેશ થાય છે.

પોલીસે દરોડા દરમિયાન પટમાંથી રોકડ રૂ.૨૭,૧૮૦ અને ૭ મોબાઇલ સહિત કુલ રૂ. ૫૩,૬૮૦ નો મુદામાલ કબજે કર્યો હતો.પોલીસના દરોડા દરમિયાન જુગારધામ ચલાવનાર રજાક ઉર્ફે બાવલો ઓસમાણભાઇ હીંગોરા(રહે. સ્મશાન રોડ,ઉપલેટ) હાથ ન લાગ્યો હોય તેને ઝડપી લેવા પોલીસે તપાસ હાથ ધરી છે.