PM નરેન્દ્ર મોદીએ કુવૈતમાં હાજર ભારતીય સમુદાયના લોકોને સંબોધિત કર્યા. કુવૈતના શેખ સાદ અલ અબ્દુલ્લા ઇન્ડોર સ્પોર્ટ્સ કોમ્પ્લેક્સમાં એક સામુદાયિક કાર્યક્રમને સંબોધતા, તેમણે કહ્યું કે, ભારતથી અહીં પહોંચવામાં તમને ચાર કલાક લાગે છે, એક ભારતીય પીએમને કુવૈતની મુલાકાત લેતા ચાર દાયકા લાગ્યા.

વડાપ્રધાન નરેન્દ્ર મોદી કુવૈતના પ્રવાસે છે. પીએમ મોદી શેખ મેશાલ અલ અહેમદ અલ જબર અલ સબાહના આમંત્રણ પર ત્યાં પહોંચ્યા છે. 43 વર્ષમાં ભારતીય વડાપ્રધાનની આ પ્રથમ મુલાકાત છે.

કુવૈત પહોંચ્યા બાદ તેઓ વિદેશી ભારતીયોને મળ્યા. આ દરમિયાન તેમણે સાંસ્કૃતિક કાર્યક્રમો પણ નિહાળ્યા હતા. શનિવારે સાંજે વડા પ્રધાન મોદીએ કુવૈતમાં શેખ સાદ અલ અબ્દુલ્લા ઇન્ડોર સ્પોર્ટ્સ કોમ્પ્લેક્સમાં સમુદાય કાર્યક્રમ 'હાલા મોદી'ને સંબોધિત કર્યું હતું. PM કુવૈતની બે દિવસીય મુલાકાતે છે.

કાર્યક્રમમાં લોકોને સંબોધતા પીએમ મોદીએ કહ્યું, "ભારતથી અહીં પહોંચવામાં ચાર કલાકનો સમય લાગે છે, એક ભારતીય પીએમને કુવૈતનો પ્રવાસ કરવામાં ચાર દાયકા લાગ્યા હતા. તમે બધા ભારતના અલગ-અલગ ભાગોમાંથી આવ્યા છો, પરંતુ બધાને જોઈને તમારામાંથી, એવું લાગે છે કે જાણે અહીં 'સ્મોલ ઈન્ડિયા' એકત્ર થઈ ગયું છે."