બાંટવામાં વિકાસની ઉલટી ગંગા ચાલી રહી છે પાલિકા તંત્રએ વી.પી. રોડ પર પાણીના વાલ્વ માટે બનાવેલી કુંડીનું ઢાંકણું તૂટી જતાં ઢાંકણ બદલવાની જગ્યાએ ખાડો જ બુરી દેતાં વિકાસની અધોગતી ઇ રહી હોવાનું નાગરિકોમાં ચર્ચાઇ રહ્યું છે.
બાંટવાના વી.પી. રોડ પર પાણીની નવી પાઇપલાઇન નાખવામાં આવી હતી જે બાદ ત્યાં પાણીના વાલ્વ માટેની બનાવાયેલી કુંડી ખુલી રાખતા અવારનવાર વાહનચાલકો ફસાતા હતાં જે અંગે રજૂઆત બાદ કુંડી ઉપર ઢાંકણ રાખવામાં આવ્યું હતું. જોકે, ઢાંકણની ગુણવત્તા નબળી હોવાના કારણે બીજા દિવસે જ તીરાડો જોવા મળી હતી અને અંતે ઢાંકણ તૂટી જતાં તેને બદલવાને બદલે વાલ્વમાં પાઇપનો કટકો રાખી ખાડો જ બુરી દેવામાં આવ્યો હતો.