મહિલા જુનિયર હોકી એશિયા કપ 2023 જાપાનના કાકામિગહારા ખાતે આયોજિત મહિલા જુનિયર હોકી એશિયા કપ 2023ની ફાઇનલમાં રવિવારે ભારત અને દક્ષિણ કોરિયા વચ્ચે રોમાંચક મુકાબલો થયો. ભારતે દક્ષિણ કોરિયાને હરાવીને પ્રથમ વખત એશિયા કપનો ખિતાબ જીત્યો હતો.

મહિલા જુનિયર હોકી એશિયા કપની ફાઈનલ જીતીને ભારતે ઈતિહાસ રચ્યો છે. જાપાનના કાકામિગહારા ખાતે યોજાયેલી ટુર્નામેન્ટમાં ભારતે દક્ષિણ કોરિયાને 2-1થી હરાવી પ્રથમ વખત ચેમ્પિયન બન્યું હતું. ભારત તરફથી અન્નુ અને નીલમે એક-એક ગોલ કર્યા હતા. જ્યારે કોરિયા માટે સિઓન પાર્કે એકમાત્ર ગોલ કર્યો હતો.

જાપાનના કાકામિગહારામાં આયોજિત મહિલા જુનિયર હોકી એશિયા કપ 2023ની ફાઇનલમાં રવિવારે ભારત અને દક્ષિણ કોરિયાનો રોમાંચક મુકાબલો થયો હતો. ભારતે રમતની શરૂઆતની મિનિટમાં પેનલ્ટી કોર્નર જીતીને આક્રમક શરૂઆત કરી હતી, પરંતુ તેને ગોલમાં પરિવર્તિત કરી શક્યું ન હતું. જો કે, દક્ષિણ કોરિયાએ પણ વળતો હુમલો કર્યો પરંતુ ગોલ કરવામાં નિષ્ફળ રહી. બંને ટીમોની આક્રમક રમત છતાં પ્રથમ ક્વાર્ટર ગોલ રહિત સમાપ્ત થયો હતો.