બનાવ પાછળનું કારણ જાણવા પોલીસ દ્વારા કરાતી તપાસ

ધ્રોલ તાલુકાના ખાખરા ગામમાં એક યુવાને કોઇ અગમ્ય કારણસર ગળાફાંસો ખાઇને આપઘાત કરી લીધો હતો.
ધ્રોલ તાલુકાના ખાખરા ગામમાં રહેતા અજીતસિંહ ઘનુભા જાડેજા (ઉ.વ.૩૬) નામના યુવાને ગઇકાલે કોઇ અગમ્ય કારણસર પોતાના ઘરની બાજુમાં આવેલ ડેલાના લોખંડના એંગલમાં દોરડા વડે ગળાફાંસો ખાઇ લીધો હતો આથી તાકીદે પડધરી હોસ્પીટલ લઇ જવામાં આવેલ જયાં મૃત્યુ થયુ હતું. આ બનાવની જાણ વનરાજસિંહ જાડેજા દ્વારા પોલીસ સમક્ષ કરવામાં આવતા બનાવ પાછળનું કારણ જાણવા ધ્રોલ પોલીસે તપાસ હાથ ધરી છે.