રાજકોટ, લોધિકા અને પડધરી તાલુકાના ૧૮૦ ગામોનું વિશાળ કાર્યક્ષેત્ર ધરાવતા રાજકોટ માર્કેટ યાર્ડમાં શાકભાજીની આવકો અને ભાવ બન્નેમાં એક સાથે વધારો થયો છે. સામાન્ય રીતે આવક વધે તેમ ભાવ ઘટતા હોય છે પરંતુ આ ચોમાસે તેવું બન્યું નથી. વરસાદના લાંબા વિરામના કારણે ખેડૂતોને ખેતર–વાડીઓમાંથી શાકભાજી ઉપાડવું સરળ બન્યું છે તેથી આવકમાં વધારો થયો છે, બીજી બાજુ સતત પખવાડિયાથી તડકાના અભાવ અને ઝરમર વરસાદને કારણે ભેજયુકત વાતાવરણ રહેતા શાકભાજીમાં બગાડ વધ્યો છે જેના લીધે ભાવ વધ્યા છે.
વિશેષમાં રાજકોટ માર્કેટ યાર્ડના ઇન્સ્પેકટર કાનાભાઇ ચાવડાએ જણાવ્યું હતું કે, ગુવાર, ભીંડો, રીંગણા, દૂધી, કોબિજ, લાવર સહિતની જણસીઓની સ્થાનિક ગ્રામ્ય આવકો વધવા છતાં આ સહિત તમામ શાકભાજીના ભાવમાં વધારો જોવા મળી રહ્યો છે. મહારાષ્ટ્ર્રથી ટમેટાની આવકો શ થતાં ટામેટાના ભાવ ઘટયા છે. સામાન્ય રીતે ચોમાસામાં અને ખાસ કરીને શ્રાવણ મહિનામાં કયારેય ન થતી હોય તેટલી શાકભાજીની આવક થઇ રહી છે પરંતુ બગાડ વધવાને કારણે ભાવ ઉંચકાયા છે

લીલી મગફળી અને મકાઇની આવક શરૂ
રાજકોટ માર્કેટ યાર્ડના શાકભાજી વિભાગમાં ચાલુ સાહના પ્રારંભથી લીલી મગફળી અને લીલી મકાઇની આવકો શ થઇ ગઇ છે અને તેમાં સતત વધારો થઇ રહ્યો છે
રાજકોટ માર્કેટ યાર્ડના શાકભાજી વિભાગમાં ચાલુ સાહના પ્રારંભથી લીલી મગફળી અને લીલી મકાઇની આવકો શ થઇ ગઇ છે અને તેમાં સતત વધારો થઇ રહ્યો છે