જામનગરના મણીભદ્ર વીલા પાસે રહેતા આદિવાસી યુવાને ગળાફાંસો ખાઇને આપઘાત કરી લીધો છે, બાંધકામમાં કામ કરવું ગમતુ ન હોય વધુ કામની ચિંતામાં પગલું ભરી લીધાનું પોલીસ ચોપડે જાહેર થયું છે.
જામનગરના મણીભદ્ર વીલા ખાતે ઝુપડામાં રહેતા મુળ એમ.પી.ના વતની રાજુ શંકરભાઇ મસાર (ઉ.વ.૨૫) નામના યુવાનને બાંધકામનું કામ કરવું ગમતું ન હોય અને કામ વધુ હોય જેના ટેન્શનમાં પોતાની મેળે ગઇકાલે ગળાફાંસો ખાઇ લેતા મૃત્યુ નિપજયું હતું.
આ બનાવ અંગે નવી આરટીઓ કચેરી પાસે મણીભદ્ર વીલા ખાતે રહેતા સંગીતાબેન રાજુભાઇ મસારએ સીટી પોલીસમાં જાણ કરી હતી જેના આધારે પોલીસ દ્વારા આગળની કાર્યવાહી હાથ ધરવામાં આવી હતી.