હરિયાણા ચૂંટણીના અંતિમ પરિણામો આવી ગયા છે. ચૂંટણી પંચના ડેટા પર નજર કરીએ તો એવી અડધો ડઝનથી વધુ બેઠકો છે જ્યાં આમ આદમી પાર્ટીએ કોંગ્રેસની રમતને સંપૂર્ણપણે બગાડી નાખી છે. આ બેઠકો પર કોંગ્રેસની હારનું સૌથી મોટું કારણ આમ આદમી પાર્ટીના ઉમેદવારો હતા, જેમણે ભાજપ્ના ઉમેદવાર સામે કોંગ્રેસના ઉમેદવારની હારના માર્જિન કરતાં વધુ મત મેળવ્યા હતા.
આમ આદમી પાર્ટી હરિયાણામાં ખાતું ખોલાવી શકી નથી, પરંતુ જમ્મુ-કાશ્મીરમાં પાર્ટીએ એક બેઠક જીતી છે. આ અંગે અરવિંદ કેજરીવાલનું કહેવું છે કે જમ્મુ-કાશ્મીર પાંચમું રાજ્ય છે, જ્યાં આમ આદમી પાર્ટીના ધારાસભ્ય બન્યા છે. ડોડાથી આમ આદમી પાર્ટીના ઉમેદવાર મેહરાજ મલિકે ભાજપ્ના ઉમેદવારને હરાવ્યા છે.
એવી કેટલીય બેઠક છે જ્યાં આપે કોંગ્રેસની રમત બગાડી છે. અસંધ બેઠક પર કોંગ્રેસ 2306 વોટથી હારી, જ્યારે આપ્ને 4290 વોટ મળ્યા હતા. ડબવાલી કોંગ્રેસ 610 વોટથી હારી ગઈ, જ્યારે આપ ને 6606 વોટ મળ્યા. ઉચાના કલાન કોંગ્રેસની હારનું માર્જીન 32 વોટ હતું, જ્યારે આમ આદમી પાર્ટીને 2495 વોટ મળ્યા હતા. રાનિયામાં કોંગ્રેસ 4100 વોટથી હારી ગઈ, જ્યારે આપ ને 4697 વોટ મળ્યા.દાદરીમાં કોંગ્રેસ 1957 મતોથી હારી ગઈ, જ્યારે આપ્ને લગભગ 1300 મત મળ્યા. રેવાડીમાં કોંગ્રેસ 28769 મતોથી હારી છે, જ્યારે આપ્ને લગભગ 18000 મત મળ્યા છે. ભિવાનીમાં, કોંગ્રેસ સીપીએમ સાથે ગઠબંધનમાં ચૂંટણી લડી હતી અને 32714 મતોથી હારી હતી જ્યારે આપ્ને 17000 થી વધુ મતો મળ્યા હતા.ચૂંટણી પંચના આંકડા મુજબ કોંગ્રેસે કુલ 37 બેઠકો પર જીત મેળવી છે. એટલે કે બહુમતીના આંકડા કરતાં 9 બેઠકો ઓછી હતી. હવે આમાં એ સીટો ઉમેરો જે કોંગ્રેસને આપ અલગ ચૂંટણી લડવાને કારણે ન મળી શકી હોત તો કોંગ્રેસ બહુમતીની એકદમ નજીક આવી ગઈ હોત. તે સ્પષ્ટ રીતે સમજી શકાય છે કે આપ સાથે ગઠબંધનનો અભાવ કોંગ્રેસને જ ભારે પડ્યો છે.
જો આપણે પક્ષોના મતદાનની ટકાવારી પર પણ નજર કરીએ તો - ભાજપ્ની મતદાન ટકાવારી- 39.94 છે, કોંગ્રેસની મતદાન ટકાવારી+- 39.31 છે, આપ્ની મતદાન ટકાવારી- 1.79 છે. આવી સ્થિતિમાં કોંગ્રેસ અને આપ્ની વોટિંગ ટકાવારીને જોડીએ તો તે ભાજપ્ની વોટિંગ ટકાવારી કરતાં લગભગ 1 ટકા વધુ થાય છે. ચિત્ર ખૂબ જ સ્પષ્ટ છે. આમ આદમી પાર્ટી ભલે હરિયાણામાં પોતાનું ખાતું ખોલાવી ન શકી, પરંતુ તે કોંગ્રેસની સરકાર રચવાની રમતને સંપૂર્ણપણે બગાડવામાં સફળ રહી. એવું પણ માનવામાં આવે છે કે કોંગ્રેસે ગઠબંધન માટે છેલ્લી ઘડી સુધી આપ્ને મુશ્કેલીમાં રાખ્યું હતું, જેના કારણે આપ કોંગ્રેસથી ખૂબ નારાજ દેખાઈ રહી હતી. આ જ કારણ હતું કે આમ આદમી પાર્ટીએ એક સીટ સિવાય તમામ 90 સીટો પર પોતાના ઉમેદવારો ઉભા રાખ્યા અને આ રીતે કોંગ્રેસનો ખેલ બગડી ગયો.