ખંભાળિયા નગરપાલિકામાં કામ કરતા વાલ્મિકી સમાજના સફાઈ કામદારોને છુટા કરવામાં આવતા નગરપાલિકા સામે કામદારોનું પ્રતિક ઉપવાસ આંદોલન હાથ ધરવામાં આવ્યું છે. ખંભાળિયા પાલિકામાં રોજમદાર સફાઈ કામદાર તરીકે ફરજ બજાવતા મહિલા રોજમદારોને પાલિકા દ્વારા નોકરીમાંથી છૂટા કરવાનો આદેશ આપતા આ મહિલાઓએ વાલ્મિકી સમાજના પ્રમુખ વજુભાઈ વાઘેલા તથા આગેવાનોની ઉપસ્થિતિમાં ગત તારીખ ૮ ઓગસ્ટથી પાલિકા કચેરી સામે પ્રતિક ઉપવાસ આંદોલન શરૂ કર્યું છે. આ ઉપવાસ આંદોલનને ત્રણ દિવસ થયા હોવા છતાં પણ પાલિકા દ્વારા કોઈ પ્રત્યુતર કે હકારાત્મક અભિગમ દાખવવામાં ના આવતા આગામી દિવસોમાં આ આંદોલન વધુ ઉગ્ર બને તો નવાઈ નહીં.