પત્નીના જન્મદિવસ પર સોના, ચાંદીની ગિફ્ટ તો સૌ કોઈ આપે પણ રાજકોટના આ યુવાને એવી ગિફ્ટ આપી કે સૌ કોઈ આશ્ચર્યમાં મુકાઈ જાય. ચંદ્ર પર જમીન ખરીદી બર્થ ડે ગિફ્ટ તરીકે પત્નીને આપવામાં આવી છે. 

આજે ચંદ્રયાન 3નું લેન્ડિંગ છે. આ વચ્ચે રાજકોટના એક યુવાને પોતાની પત્ની માટે ચંદ્ર પર જમીન ખરીદી છે. આજે પત્નીના જન્મદિવસ પર એક અનોખી જ ગિફ્ટ આપવાના વિચાર સાથે રાજકોટના યુવાને આ સાહસ કર્યું છે. 15 દિવસ પહેલા ચેતન જોશીએ પોતાના પત્ની ખુશી જોશીને ગિફ્ટ આપવા જમીન ખરીદી હતી. એક એકર જમીન ચેતન જોશીએ ખરીદી છે. જેની કિંમત ₹3 લાખ જેટલી છે. પતિના સરપ્રાઇઝ ગીફ્ટથી પત્ની પણ ખુશખુશાલ થઈ ગઈ હતી.