સગાઇ થતી ન હોવાથી લાગી આવતા પગલુ ભર્યુ
ધ્રોલના હજામચોરા સીમમાં આવેલ કુવામાંથી ગઇકાલે કાલાવડ ફાયર બ્રિગેડને ટુકડીએ એક યુવાનનો મૃતદેહ બહાર કાઢી પોલીસને સોપી આપ્યો હતો દરમ્યાન મરનાર મુળ એમપીના અને હાલ ખેતમજુરી કરતો હોવાનું તેમજ સગાઇ થતી ન હોવાથી મનમાં લાગી આવતા કુવામાં ઝંપલાવીને પગલુ ભર્યાનું પોલીસ ચોપડે નોંધાયું છે.
જોડીયાના બાદનપર ગામના હસુભાઇ કાનાણીની વાડી ખાતે રહીને ખેતમજુરી કરતા મુળ એમપીના ધાર જીલ્લાના ગીરધા ગામના વતની મુકેશ ઇન્દુભાઇ બામણીયા (ઉ.વ.૨૧) નામના આદીવાસી યુવાનની સગાઇની બે ત્રણ જગ્યાએ વાતચીત થયેલ હોય પરંતુ સગાઇ થતી ન હોય જેથી છેલ્લા દસેક દિવસથી નિરાસ રહેતો હતો અને આ બાબતનું મનમાં લાગી આવતા ગઇકાલે હજામચોરાની સીમમાં આવેલા ઉંડા કુવામાં ઝંપલાવતા ડુબી જવાથી મૃત્યુ થયુ હતું.
આ બનાવ અંગે શેરુ ઇન્દુભાઇએ ધ્રોલ પોલીસમાં ગઇકાલે જાણ કરી હતી જનેા આધારે પોલીસે મૃતદેહનો કબ્જો સંભાળી આગળની કાર્યવાહી હાથ ધરી હતી.
ઉંડા કુવામાં યુવાન પડી ગયાની વિગતો મળતા આ અંગે કાલાવડ ફાયર બ્રિગેડને જાણ કરવામાં આવી હતી તાકીદે ફાયરની ટીમ આવી પહોચી હતી અને કુવામાંથી મૃતદેહ બહાર કાઢીને પોલીસને સોપી આપ્યો હતો.
***
મીઠાપુર નજીકના દરિયાકિનારે તણાઈ આવ્યું માનવ કંકાલ: પોલીસ દ્વારા તપાસનો ધમધમાટ
મીઠાપુર નજીકના દરિયામાંથી કિનારેથી ગઈકાલે એક માનવીનું હાડપિંજર જેવું મળી આવતા આ અંગે સ્થાનિક રહીશે પોલીસને જાણ કરી હતી. જે સંદર્ભે પોલીસ સ્ટાફે જરૂરી તપાસ શરૂ કરી છે.
આ ચકચારી બનાવ અંગે જાણવા મળતી વિગત મુજબ મીઠાપુરથી આશરે પાંચ કિલોમીટર દૂર આરંભડા ગામની સીમમાં આવેલી એક ખાનગી કંપનીના પાછળના ભાગે આવેલા દરિયા કિનારે સ્થિત ચેરના ઝાડની ઝાડીઓમાં એક માનવ કંકાલ પડ્યું હોવાનું સ્થાનિકોને ધ્યાને આવતા આ અંગે આરંભડા ખાતે રહેતા ભગતભા રાણાભા માણેકએ મીઠાપુર પોલીસને જાણ કરી હતી. જેના અનુસંધાને સ્થાનિક પોલીસ સ્ટાફ આ સ્થળે દોડી ગયો હતો.
અહીં કોઈ અજાણ્યા સ્ત્રી અથવા પુરુષનું હાડપિંજર પડ્યું હોવાથી આ વ્યક્તિ કોઈપણ કારણોસર દરિયાના પાણીમાં ડૂબી જવાના કારણે મૃત્યુ પામી હતી અને તેના શરીરના ભાગો ખવાઈ ગયા બાદ તેનું હાડપિંજર દરિયાકિનારે તણાઈને આવી ગયું હતું.
આ સમગ્ર પ્રકરણ અંગે પોલીસે હાલ અકસ્માત મૃત્યુ અંગેની નોંધ કરી, વિવિધ દિશાઓમાં તપાસ આરંભી છે.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationકોલકાત્તા દુષ્કર્મ કેસ: આરજી કર હોસ્પિટલના જુનિયર ડોક્ટરોની હડતાળ સમાપ્ત
September 19, 2024 10:58 PM'તમામ હદ પાર', હિઝબુલ્લા ચીફની ધમકી બાદ પણ ન માન્યું ઇઝરાયેલ, બેરુતને હચમચાવી નાખ્યું
September 19, 2024 10:15 PMતિરુપતિ મંદિરના પ્રસાદમાં જાનવરોની ચરબી, લેબ રિપોર્ટમાં ખુલાસો, ફિશ ઓઈલ મેળવવાની પુષ્ટિ
September 19, 2024 10:13 PMબાંગ્લાદેશ હિંસામાં નવ લઘુમતીઓના મોત, 69 પૂજા સ્થાનો પર તોડફોડ, ચોંકાવનારા આંકડા આવ્યા સામે
September 19, 2024 10:12 PMCopyright © 2023-2024 Aajkaal Daily
Developed by Rhythm Infotech