મધ્યાહન ભોજન યોજનામાં કુકિંગ કોસ્ટને લઈને સરકાર દ્વારા મહત્વની જાહેરાત કરવામાં આવી છે. સરકારે મધ્યાહન ભોજન કુકિંગ કોસ્ટમાં વધારો કર્યો છે. જેમાં ધોરણ 1થી 5માં વિદ્યાર્થી દીઠ રૂપિયા 5 અને 45 પૈસાનો વધારો કરાયો છે. ધોરણ 6થી 8માં વિદ્યાર્થી દીઠ રૂપિયા 8 અને 17 પૈસાનો વધારો કરાયો છે. 

આ નિર્ણયનો ઓલ ગુજરાત રાજ્ય મધ્યાહન ભોજન કર્મચારી મંડળે ઉગ્ર વિરોધ કર્યો છે. મધ્યાહન ભોજન મંડળના સભ્યોનો જણાવ્યા મુજબ, અત્યારના સમયમાં મોંઘવારી જે રીતે વધી રહી છે તે પ્રમાણે ભાવ વધારો ઓછો છે. ધોરણ 1 થી 5 માં વિદ્યાર્થી દીઠ રૂ.5.45 તેમજ ધોરણ 6 થી 8 માં વિદ્યાર્થી દીઠ રૂ.8.17 કરાયો છે જે વધારાને હજી વધારવા માટે મધ્યાહન ભોજન મંડળના સભ્યો માંગ કરી રહ્યાં છે.