સરકારી આઈ.ટી.આઈ રાજકોટ દ્વારા ઓટો કેડ 2D & 3D ના ટુંકા ગાળાના કોર્ષ શરૂ કરેલ છે. આજી ડેમ ચોકડી પાસે આવેલી આ આઈ.ટી.આઈ. ખાતે ઓટો કેડ કોર્ષનો સમયગાળો બે માસનો રહેશે. આ કોર્ષમાં તાલીમ પૂર્ણ થયા બાદ તાલીમાર્થીઓને રાજકોટ આઈ.ટી.આઈ. દ્વારા સર્ટિફિકેટ પણ એનાયત કરવામાં આવશે. સરકારી સંસ્થા હોવાથી આ કોર્ષ તદન નજીવી ફી ફક્ત રૂ. ૭૫૦/- મહિનામા શિખડાવવામાં આવશે. 

વિવિધ આઈ.ટી.આઈ. ટ્રેડમાંથી પાસ આઉટ, ડિપ્લોમા કે ડિગ્રી એંન્જિ. પ્રથમ વર્ષ પાસ આઉટ ઉમેદવારો આ કોર્ષની તાલીમ લઈ શકે છે. રાજકોટ મેન્યુફેકચરિગ હબ હોવાથી ઓટો-કેડ સૉફ્ટવેરનો ખૂબ જ ઉપયોગ થતો હોવાથી આ કોર્ષમાં તાલીમ પૂર્ણ થયા બાદ એન્જી. ડિઝાઇન અને ડ્રોઈંગ ક્ષેત્રે વિપુલ પ્રમાણમાં રોજગારીની તકો રહેલી છે તેમજ આઈ.ટી.આઈ. દ્વારા પણ પ્લેસમેન્ટ મેળાનું આયોજન કરવામાં આવતું હોય છે.

આ કોર્ષમાં તાલીમ લેવા માંગતા ઉમેદવારોએ જરૂરી ડોક્યુમેન્ટસ સાથે આઈ.ટી.આઈ.ના નવા બિલ્ડિંગમાં આવેલ કેડ-કેમ ટ્રેડ વિભાગનો સંપર્ક કરવોનો રહેશે, તેમ સરકારી આઈ.ટી.આઈ.ના આચાર્ય સાગર રાડિયાની યાદીમાં જણાવાયું છે.