યાજ્ઞિક રોડ પર હીરાપન્ના કોમ્પ્લેક્ષ પાછળ ઓફિસમાં નોકરી કરનાર યુવાનને અહીં ઓફિસ પાસે તેની ધર્મની માનેલી બહેનના ભાઈ સહિત બે શખસોએ જાનથી મારી નાખવાની ધમકી આપી હતી તેમજ આ સમયે યુવાની બહેન પણ આવી ગઈ હોય તેને આ બે શખસો પૈકી એકે માર માર્યેા હતો. જે અંગે યુવાને એ ડિવિઝન પોલીસ સ્ટેશનમાં ફરિયાદ નોંધાવી છે.
બનાવની જાણવા મળતી વિગતો મુજબ, ન્યુ રેલનગરમાં શ્રીનાથજી પાર્ક ૩ પરિવાર બંગલોમાં રહેતા અનિકેત દિનેશભાઈ મકવાણા (ઉ.વ ૨૩) દ્રારા એ ડિવિઝન પોલીસ સ્ટેશનમાં નોંધાવવામાં આવેલી ફરિયાદમાં આરોપી તરીકે મોરબી રોડ જકાતનાકા પાસે ધોળકિયા સ્કૂલ વાળી શેરીમાં રહેતા મહેશ છગનભાઈ સોલંકી અને નીલકઠં સિનેમાની પાછળ રહેતા સની રામજીભાઈ ખસિયાના નામ આપ્યા છે.
યુવાને પોતાની ફરિયાદમાં જણાવ્યું હતું કે, તે હીરાપન્ના કોમ્પલેક્ષની પાછળ માટેલીયા સ્ટોક બ્રોકરની ઓફિસમાં નોકરી કરે છે. ૧૦ વર્ષ પૂર્વે તે રાજકોટમાં ઘડિયાળના કારખાનામાં કામ કરતો હતો તે સમયે રેખા અહીં કામ કરતી હોય ત્યારે રેખાને અહીં સાથે કામ કરતા મહેશ છગનભાઈ સોલંકી સાથે પ્રેમ સંબધં થયો હતો અને બાદમાં બંને લ કરી લીધા હતા. આ રેખાને યુવાને ધર્મની બહેન બનાવવી હોય નવ વર્ષ પૂર્વે રેખાના પતિ મુકેશ નું અવસાન થયું હતું. રેખાને છેલ્લા બે વર્ષથી મહેશ સોલંકી સાથે સંબધં હોય જે હાલ રૈયા ચોકડી પાસે ભાડાના મકાનમાં રહે છે.
ગઈકાલે સાંજના યુવાન અહીં ઓફિસ નીચે ફાકી ખાવા માટે ગયો હતો ત્યારે મહેશ સોલંકી અહીં આવ્યો હતો અને કહ્યું હતું કે, તારી બહેન રેખાના નંબર આપ જેથી યુવાને કહ્યું હતું કે મારી પાસે નંબર નથી. બાદમાં મહેશે કહ્યું હતું કે, કઈં વાંધો નહીં સાંજના આઠ વાગ્યા સુધીમાં હત્પં તને જોઈ લઈશ ત્યારબાદ આ બાબતે યુવાને રેખાની બહેન ઉષાને ફોન કરી રેખાને આ બાબતે ફરિયાદ કરવા એ ડિવિઝન મોકલ તેમ કહ્યું હતું. દરમિયાન રેખા અહીં યુવાન જયા નોકરી કરે છે ત્યાં આવી હતી બંને અહીં શેરીમાં વાતચીત કરતા હતા એટલીવારમાં મહેશ સોલંકી અને રેખાનો નાનો ભાઈ સની ખસિયા બંને અહીં આવી ગયા હતા આ સમયે મહેશે ઉછેરાઈ રેખાને ગાળો આપી ઝાપટો મારી હતી. બાદમાં શનિએ યુવાનને કહ્યું હતું કે, મારી બહેન રેખા તથા મહેશની વચ્ચે કેમ આવે છે તું વચ્ચેથી ખસી જા તેમ કહી ગાળો આપી હતી. બાદમાં આ શની તેની બહેન રેખાને લઈ ચાલ્યો ગયો હતો. ત્યારબાદ યુવાને આ અંગે એ ડિવિઝન પોલીસ સ્ટેશનમાં ફરિયાદ નોંધાવી છે.