રોગપ્રતિકારક રસી આપી ગાયોને સુરક્ષિત કરવાનું અભિયાન

દ્વારકા વિસ્તારમાં તાજેતરમાં અનેક ગાયો ચોક્કસ પ્રકારના રોગનો ભોગ બની અને મૃત્યુ પામી છે. મુખ્યત્વે કૂતરાઓ સાથે એક જ કુંડીમાંથી ગાયો ખાય-પીએ છે. ત્યારે આ ખાવા પીવાથી ગાયોને હડકવાનો રોગ લાગુ પડે છે. જેના કારણે તાજેતરમાં દ્વારકા વિસ્તારમાં આવા રોગોથી અનેક ગાયોનું મૃત્યુ થયું છે.

ગાયોને આ રોગમાંથી બચાવવા માટે દ્વારકાની ગૌશાળાના રામજીભાઈ મજીઠીયા સાથે સેવાભાવી તબીબ સાગર કાનાણી તથા અન્ય ગૌપ્રેમીઓ દ્વારા ગાયોને આ રોગમાંથી બચાવવા માટે અગાઉથી ગાયને સુરક્ષા રસી આપી અને આ રોગ સામે પહેલેથી સુરક્ષિત કરવાની કામગીરી હાથ ધરવામાં આવી છે.

આ કામગીરી માટે દ્વારકા વિસ્તારના સેવાભાવી ડો. સાગર કાનાણીએ તન, મન અને ધનથી પૂરો સહકાર આપવાની ખાતરી આપી છે.