કુચીયાદળ પાસે કાર પલ્ટી જતા પાંચ વ્યક્તિને ઇજા થવાથી સારવાર માટે સિવિલમાં ખસેડવામાં આવ્યા હતા. મોરબી રોડ પર સેટેલાઈટ ચોક નજીક રહેતા લોકો સાળંગપૂર દર્શન કરવા જતા હતા ત્યારે અકસ્માત સર્જાયો હતો.બનાવની પ્રાપ્ત વિગત મુજબ મોરબી રોડ પર સેટેલાઇટ ચોક પાસેની રાધામીરા સોસાયટીમાં રહેતા પીન્ટુભાઇ ભુપતભાઇ ચોવટીયા (ઉ.વ.35) નામના યુવક આજે સવારે કારમાં મિત્રો ભુપતભાઈ મોહનભાઇ ચોવટીયા (ઉ.વ.58), હિતેશભાઈ જમનભાઈ સુરાણી (ઉ.વ.49), અમૃતભાઈ બચુભાઈ અખેરા (ઉ.વ.52), પૂર્વેશ નટવરલાલ ભટ્ટી (ઉ.વ.42) બધા મિત્રો અને પરિચિત  સાળંગપૂર દર્શન કરવા માટે જતા હતા ત્યારે કુચીયાદળ નજીક કારના  સ્ટિયરિંગ પરનો કાબુ ગુમાવતા કાર પલ્ટી મારી ગઈ હતી. અક્સમાતના પગલે વાહન ચાલકો સહિતના દોડી આવ્યા હતા અને 108 મારફતે ઇજાગ્રસ્તોને સિવિલ હોસ્પિટમાં ખસેડવામાં આવતા બનાવ અંગે હોસ્પિટલ ચોકીના સ્ટાફે એરપોર્ટ પપોલીસને જાણ કરી હતી.