શહેરના વિઠ્ઠલવાડીના ઉદ્યોગનગરમાં આવેલા પ્લાસ્ટિકના કારખાનામાં આજે સવારે  આગ ભભુક્યાની જાણ થતા અગ્નિશામકદળ દોડી ગયું હતું. અને આગ પર કાબુ મેળવવા પ્રયત્ન હાથ ધર્યા હતા. ભારે જહેમત અને એક ગાડી ભરી પાણીનો છંટકાવ કરી કાબુ મેલવાયો હતો. આગના પગલે સ્થાનિક વિસ્તારમાં ભારે અફરા-તફરી મચી હતી. વિઠ્ઠલ વાડી, ઉદ્યોગનગરના પ્લોટ નંબર ૫૧માં પરેશભાઈ એ. શાહની માલિકીના હીર પ્લાસ્ટિક નામના કારખાનામાં  શોર્ટ સર્કિટથી આગ લાગ્યાનું પ્રાથમિક વિગતોમાં જાણવા મળ્યું હતું. આગમાં મશીનરી તેમજ પ્લાસ્ટિકના દાણા સહિતનો માલ-સામાન બળીને ખાક થયો હતો. જો કે આગથી થયેલ નુકસાનની અંગેની કશી વિગત પ્રાપ્ત થઇ શકી ન હતી.