ભાવનગર સર ટી હોસ્પિટલ ખાતે આગની ઘટના બની હતી. ભાવનગર સર ટી હોસ્પિટલ ખાતે ઇમર્જન્સી વોર્ડ નંબર ૧૭ ખાતે આગ લાગી હોવાની ભાવનગર ફાયર વિભાગને જાણ કરાઈ હતી. આ બનાવની જાણ થતાની સાથે ફાયર બ્રિગેડ ટીમ તાત્કાલિક ફાયર વાહન અને સ્ટાફ સાથે સર ટી હોસ્પિટલ ઇમર્જન્સી વોર્ડ ખાતે પહોંચી હતી. હોસ્પિટલ ખાતે રહેલા દર્દીઓને સફળ રીતે બચાવી અને આગ પર કાબુ મેળવવામાં અને કોઈ કેજોરિટી થાય તો તેને સલામત રીતે બહાર કાઢવા સહીતની કામગીરી ફાયર ટીમ અને હોસ્પિટલ સ્ટાફ દ્વારા કરવામાં આવી હતી. અને આગ પર પાણી છાંટી કાબુ મેળવ્યો હતો. જોકે આ આગની ઘટના મોકડ્રિલ હોવાનું ફાયર બ્રિગેડ કચેરી ખાતેથી માહિતી આપતા જણાવ્યું હતું. અને સર ટી હોસ્પિટલ ખાતે યોજાયેલી મોકડ્રિલમાં હોસ્પિટલના ડોક્ટર્સ સહિતનો સ્ટાફ, સોક્યુરિટી કર્મીઓ અને મહાનગર પાલિકા ફાયર બ્રિગેડ ટીમના જવાનો જોડાયા હતા. જે મોકડ્રિલ ફાયર વિભાગ દ્વારા સફળ રીતે પૂર્ણ કરી હતી.