કલ્યાણપુર તાલુકાના રાવલ ગામે રહેતા સુકાભાઈ ગંધાભાઈ ગામી નામના ૩૮ વર્ષના કોળી યુવાનની ૧૫ વર્ષની પુત્રી આશાબેનએ બુધવાર તારીખ ૬ ના રોજ પોતાના ઘરે કોઈ કારણોસર એસિડ પી લેતા તેણીને સારવાર અર્થે હોસ્પિટલમાં ખસેડવામાં આવી હતી. જ્યાં ફરજ પરના તબીબોએ આશાબેનને મૃત જાહેર કરી હતી. આ બનાવની જાણ મૃતકના પિતા સુકાભાઈ કોળીએ કલ્યાણપુર પોલીસને કરી છે.
***
ઉમરાળા ગામે ખેડૂતને હાર્ટ એટેક આવી જતાં મૃત્યુ
કાલાવડ તાલુકાના ઉમરાળા ગામમાં રહેતા ખેડૂતને ગઈકાલે પોતાની વાડીમાં હતા દરમ્યાન હાર્ટ એટેક આવી ગયો હતો, અને તેનું મૃત્યુ નીપજયું છે.
કાલાવડ તાલુકાના ઉમરાળા ગામમાં રહેતા અને ખેતી કામ કરતા રમેશભાઈ નારણભાઈ ભંડેરી (ઉંમર વર્ષ ૫૬) કે જેઓ ગઈકાલે પોતાની વાડીએ હતા જે દરમિયાન તેઓને એકાએક છાતીમાં દુ:ખાવો ઉપડ્યો હતો, અને બે શુદ્ધ બન્યા હતા. જેથી પરિવારજનો દ્વારા તેઓને સારવાર માટે કાલાવડની સરકારી હોસ્પિટલમાં લઈ જવાયા હતા, ત્યાં ફરજ પરના તબીબે તેઓને હાર્ટ એટેક આવી ગયો હોવાથી મૃત્યુ નીપજયું હોવાનું જાહેર કર્યું હતું.
આ બનાવ અંગે મૃતકના નાનાભાઈ ઉપેન્દ્રભાઈ નારણભાઈ ભંડેરીએ પોલીસને જાણ કરતાં કાલાવડ ગ્રામ્ય પોલિસે મૃતદેહનો કબજો સંભાળી પોસ્ટ મોર્ટમ સહિતની કાર્યવાહી હાથ ધરી છે.