Aajkaalteam

વલસાડના ઉમરગામની એક GIDCમાં ભીષણ આગ લાગ્યાની ઘટના સામે આવી છે. ઘટનાની જાણ થતાં ફાયર ફાઈટર ઘટના સ્થળે પહોચી આગને કાબુમાં લેવાની કામગીરી હાથ ધરી હતી. આગ એટલી વિકરાળ હતી કે ધુમાડાના ગોટે ગોટા આકાશમાં જઈ રહ્યા હતા અને તેના કારણે લોકોમાં ભયનો માહોલ ફેલાયો છે.

પ્રાપ્ત માહિતી પ્રમાણે ઉમરગામની GIDCમાં ભીષણ આગ લાગી છે, આ આગ એટલી વિકરાળ છે કે તેની જ્વાળા અને ધુમાડાના ગોટે ગોટાથી લોકોમાં ભયનો માહોલ સર્જાયો છે. મળતી પ્રાથમિક માહિતી પ્રામાણે વલસાડની ઉમરગામમાં આવેલી એક મેટલ કંપીનીમાં આગ લાગ્યાનું જાણવા મળ્યું છે. ઘટનાસ્થળ પર ફાયર વિભાગની ટીમ આગને કાબૂમાં લેવાના પ્રયાસ કરી રહી છે. આગ લાગ્યાના કારણની વાત કરીએ તો હજૂ સુધી કારણ જાણવા મળ્યું નથી. મહત્વની વાત એ છે કે અત્યાર સુધી કોઈ જાનહાનીની ખબર સામે આવી નથી તેમજ પ્રાથમિક અનુમાન પ્રમાણે મોટા પ્રમાણમાં માલ-સમાનનો નુકસાન થયાની ચર્ચાઓ ચાલી રહી છે.