કર્ણાટકના દાવંગેરે જિલ્લાની એક અદાલતે એક વ્યક્તિને તેની જ પુત્રી પર બળાત્કાર ગુજારવા બદલ 20 વર્ષની જેલની સજા ફટકારી છે.જિલ્લાની POCSO ફાસ્ટ ટ્રેક વિશેષ અદાલતે બુધવારે આ આદેશ આપ્યો હતો. આ વ્યક્તિ લાંબા સમયથી તેની પુત્રીનું યૌન શોષણ કરતો હતો.

આ દર્દનાક ઘટનાની જાણ થતા ગ્રામજનોએ પોલીસને જાણ કરી હતી. હરિહર ગ્રામ્ય પોલીસે ગુનો નોંધી આરોપી સામે કોર્ટમાં ચાર્જશીટ રજૂ કરી હતી.

જેલની સજા ઉપરાંત જજ એન. શ્રીપદાએ આરોપી પર 12,000 રૂપિયાનો દંડ પણ લગાવ્યો હતો અને રાજ્ય સરકારને પીડિતાને 5 લાખ રૂપિયાનું વળતર ચૂકવવાનો નિર્દેશ આપ્યો હતો.