કાલાવડ તાલુકાના નાના પાંચ દેવડા ગામ નજીક  પગપાળા જઈ રહેલા વૃદ્ધ ને વાહન ચાલકે હડફેટે  લેતાં ગંભીર ઇજાગ્રસ્ત હાલતમાં  દાખલ કરેલા વૃદ્ધનું સારવારમાં મૃત્યુ નિપજ્યું છે.
કાલાવડ તાલુકાના નાના પાંચ દેવડા  ગામમાં રહેતા ધીરુભાઈ રામજીભાઈ અભંગી (૭૫) ગત તા. ૨૫ નાં સવારે પોતાના ગામથી મોટા પંચદેવડા ગામ તરફ પગપાળા જઈ રહ્યા હતા, ત્યારે જી.જે૧૦ટીએક્ષ-૩૯૨૯ નંબરની બોલેરો મેક્ષ પિકઅપ વાહન નાં ચાલકે પોતાનું વાહન બેફિકરાઈથી ચલાવીને ધીરુભાઈ ને ઠોકર મારતાં ગંભીર ઈજા થવા થી તેમને સારવાર માટે હોસ્પિટલમાં લઈ જવાયા હતા. જ્યાં તેમનું સારવાર દરમિયાન મૃત્યુ નિપજ્યું હતુ. આ બનાવ અંગે  મૃતક ના પુત્ર ભરત ધીરુભાઈ અભંગી એ વાહન ચાલક સામે પોલીસમાં  ફરિયાદ નોંધાવતાં પોલીસે વધુ તપાસ હાથ ધરી છે.