ડોનાલ્ડ ટ્રમ્પે શુક્રવારે વોલોડીમીર ઝેલેન્સકી સાથે ફોન પર વાત કરી હતી. આ દરમિયાન તેણે રશિયા સાથે યુક્રેનનું યુદ્ધ ખતમ કરવાનું વચન આપ્યું હતું. ટ્રમ્પે ટ્રુથ સોશિયલ પર એક પોસ્ટમાં કહ્યું કે તેમણે યુક્રેનના રાષ્ટ્રપતિ ઝેલેન્સકી સાથે ફોન પર વાત કરી. તેમણે મને ખૂબ જ સફળ રિપબ્લિકન નેશનલ કન્વેન્શન અને યુનાઇટેડ સ્ટેટ્સના રાષ્ટ્રપતિ માટે રિપબ્લિકન નોમિની બનવા બદલ અભિનંદન પાઠવ્યા.

રિપબ્લિકન પાર્ટીના રાષ્ટ્રપતિ પદના ઉમેદવાર સત્તાવાર રીતે બન્યા પછી વિદેશી નેતા સાથે આ તેમની પ્રથમ વાતચીત હોવાને કારણે આ કોલ મહત્ત્વપૂર્ણ છે. તે 5 નવેમ્બરની ચૂંટણીમાં તેમની જીતની તકો વિશે આંતરરાષ્ટ્રીય સમુદાયમાં વધતી જાગૃતિને પણ દર્શાવે છે.

હું વિશ્વમાં શાંતિ લાવીશઃ ટ્રમ્પ
ટ્રુથ સોશિયલ પર ટ્રમ્પે લખ્યું છે કે તમારા અમેરિકાના આગામી રાષ્ટ્રપતિ તરીકે હું વિશ્વમાં શાંતિ લાવીશ અને યુદ્ધનો અંત લાવીશ જેણે ઘણા લોકોના જીવ લીધા છે. અસંખ્ય નિર્દોષ પરિવારો તબાહ થયા છે. બંને પક્ષો સાથે મળીને એક કરાર પર વાટાઘાટો કરી શકશે જે હિંસાનો અંત લાવશે અને સમૃદ્ધિનો માર્ગ મોકળો કરશે. વોલોડીમીર ઝેલેન્સકીએ પણ વાતચીત દરમિયાન ટ્રમ્પ પરના તાજેતરના હુમલાની નિંદા કરી હતી.