રાષ્ટ્રપિતા મહાત્મા ગાંધીજીએ પોરબંદરમાં જન્મ લઇને સમગ્ર વિશ્ર્વને સ્વચ્છતાનો સંદેશ આપ્યો છે અને ગાંધીભૂમિ પોરબંદરની પોરબંદર-છાયા સંયુકત નગરપાલિકા શહેરને સ્વચ્છ રાખવા માટે ભરપૂર પ્રયત્નો કરી રહી છે. લોકોમાં જાગૃતિ આવે તેવા કાર્યક્રમોનું આયોજન કરવાની સાથોસાથ ભીતચિત્રો દ્વારા પણ શહેરીજનોને જ્યાં ત્યા ગંદકી નહી કરવા અપીલ થઇ રહી છે. પ્રસ્તુત તસ્વીર એમ.ઇ.એમ. સ્કૂલ બહારની છે કે જ્યાં લોકો જાહેરમાં કચરો ફેંકતા હોવાથી નગરપાલિકાના તંત્રએ ‘સૌનો સાથ, ગંદકીનો નાશ’નું ચિત્ર દોરીને ડોર ટુ ડોર કચરો લેવા આવતી વાનમાં જ કચરો આપવાની અપીલ કરી છે પરંતુ નહી સુધરવા માંગતા આ વિસ્તારના લોકોએ ચિત્રની નીચે જ જાહેરમાં કચરો ફેકી રહ્યા છે. દુકાનદારો સહિત લોકોને નોટીસ આપવાથી માંડીને દંડ પણ ફટકારવામાં આવ્યો છે તેમ છતાં અહી પરિસ્થિતિ યથાવત જોવા મળી રહી છે. ત્યારે હવે લોકો નગરપાલિકાને સ્વચ્છતાના મુદ્ે સાથ આપે તે આ તસ્વીર જોતા અનિવાર્ય બન્યુ છે.