​​​​​​​દિલ્હીની શાળાઓમાં બોમ્બની ધમકી મોકલનાર આરોપી ઝડપાયો

તાજેતરમાં જ દક્ષિણ દિલ્હીની એક ખાનગી સ્કૂલને બોમ્બની ધમકી ધરાવતો મેલ મોકલવામાં આવ્યો હતો, જેના પછી દિલ્હી પોલીસ સક્રિય થઈ ગઈ હતી. તપાસમાં જે ખુલાસો થયો છે તે ચોંકાવનારો છે. ધમકી આપનાર આરોપી  જે માત્ર 14 વર્ષનો છે, તેની ધરપકડ કરવામાં આવી છે.

જ્યારે આરોપી બાળકને કારણ પૂછવામાં આવ્યું તો તેણે કહ્યું કે તેને શાળામાં જવાનું મન નહોતું એટલે  રજા માટે તેણે આવું કર્યું હતું. આટલું જ નહીં  અસત્યને સત્ય બનાવવા માટે તેણે પોતાની શાળા સિવાય એક-બે અન્ય શાળાના નામ પણ ઉમેર્યા હતા. હવે પોલીસ વધુ માહિતી મેળવવામાં વ્યસ્ત છે.