આજે બપોરે ભારત સહિત ચાર દેશોમાં ભયાનક ભૂકંપ આવ્યો. ભૂકંપના આંચકા ચીન, મ્યાનમાર, થાઈલેન્ડ અને ભારતના કેટલાક ભાગોમાં અનુભવાયા હતા. મ્યાનમારમાં બે શક્તિશાળી ભૂકંપથી ધરતી ધ્રુજી ઉઠી. આ ભૂકંપ એટલા શક્તિશાળી હતા કે થાઇલેન્ડની રાજધાની બેંગકોકમાં પણ તે અનુભવાયા. નેશનલ સેન્ટર ફોર સિસ્મોલોજી અનુસાર, ભૂકંપના પહેલા આંચકાની તીવ્રતા રિક્ટર સ્કેલ પર 7.2 હતી જ્યારે બીજા આંચકાની તીવ્રતા 7.7 હતી. આ ભયાનક ભૂકંપમાં હજારો લોકોએ જીવ ગુમાવ્યા હોવાની આશંકા છે. જયારે અનેક લોકો ઘાયલ થયા છે. હાલ પ્રશાશન દ્વારા બચાવ કામગીરી ચાલુ છે. લોકોને કાટમાળ હટાવી બહાર કાઢવામાં આવી રહ્યા છે તેમજ ઘાયલોને હોસ્પીટલે ખસેડવામાં આવી રહ્યા છે. 

??? Evacuations Underway In #Myanmar & #Bangkok As Rescuers In Thailand Try To Free Residents From rubles of the Collapsed Homes !!! #Earthquake pic.twitter.com/plysBP9wse

— ⚡NOISE ALERTS⚡ (@NoiseAlerts) March 28, 2025

ભૂકંપ બાદ બેંગકોક અને મ્યાનમાર શહેરોમાં મોટી ઇમારતો ધ્રુજવા લાગી. તેનો વીડિયો સોશિયલ મીડિયા પર વાયરલ થઈ રહ્યો છે જેમાં લોકો ગભરાઈને રસ્તાઓ પર દોડતા જોવા મળી રહ્યા છે. વીડિયોમાં જોવા મળી રહ્યું છે કે લોકો ચીસો પાડી રહ્યા હતા અને સલામત સ્થળો તરફ દોડી રહ્યા હતા.
સોશિયલ મીડિયા પર વાયરલ થયેલા વીડિયોમાં ઘણી ઇમારતો ધરાશાયી થતી જોઈ શકાય છે. લોકો ડરના માર્યા પોતાના ઘરની બહાર નીકળતા જોવા મળી રહ્યા છે. મોટી ઇમારતો એક જ ક્ષણમાં ધરાશાયી થઈ ગઈ હતી. 

બેંગકોકનો અન્ય એક વીડિયો સોશિયલ મીડિયા પર વાયરલ થઈ રહ્યો છે, જેમાં જોઈ શકાય છે કે એક ઉંચી ઇમારતની છત પરથી સ્વિમિંગ પૂલનું પાણી પડી રહ્યું છે, એવું લાગે છે કે કોઈએ ઇમારત પર ધોધ બનાવ્યો છે. હકીકતમાં, ઇમારતના ઉપરના માળે સ્વિમિંગ પુલ હતા, જે ભૂકંપને કારણે તૂટી ગયા અને પાણી નીચે પડવા લાગ્યું.