પરપ્રાંતિય પરિવારમાં શોકની લાગણી: પોલીસ દ્વારા કરાતી તપાસ

ધ્રોલના છલ્લા વાડી વિસ્તારમાં પાકમાં પાણી વાળતા ખેતમજુર યુવાન પર વિજવાયર પડતા દાઝી જવાથી કણ મૃત્યુ થયું હતું, પોલીસ દ્વારા બનાવ સંબંધે વધુ તપાસ ચલાવવામાં આવી રહી છે.

ધ્રોલ તાલુકાના છલ્લા ગામમાં ભીખુભાની વાડીએ રહેતા અને મુળ એમ.પી.ના કોહા ગામના વતની રેમાભાઇ કનીયાભાઇ મેહડા (ઉ.વ. 36) નામના મજુર યુવાને ભાગમાં રાખેલ વાડીમાં કપાસના પાકમાં પાણી વાળતા હતા, એ વેળાએ અચાનક 11 કે.વી.ની ઇલેકટ્રીક લાઇન ચાલુ હોય, જેનો જીવંત તાર પડતા રેમાભાઇને હાથમાં શોર્ટ લાગતા દાઝી ગયા હતા.

આથી તેઓને ધ્રોલ સરકારી હોસ્પિટલ ખાતે લઇ જતાં જ્યાં ફરજ પરના તબીબે તપાસીને મરણ ગયાનું જણાવ્યું હતું, આ બનાવની જાણ જેતરાજ કનીયાભાઇ દ્વારા ધ્રોલ પોલીસમાં કરવામાં આવતા આગળની કાર્યવાહી હાથ ધરવામાં આવી હતી.