જામનગરના માધવ બાગ ખાતે રહેતી પરિણીતાને આપઘાતની દુષ્પ્રેરણા આપ્યાની મૃતકના પતિ અને સાસુ સામે પોલીસ ફરિયાદ નોંધાવવામાં આવી છે.
ખંભાળીયાના વાડીનાર ધાર ખાતે રહેતા અર્જુનસિંહ સાહેબજી વાઢેર (ઉ.વ. ૩૧) નામના યુવાને સીટી સી ડીવીઝનમાં જામનગરમાં સાંઢીયા પુલ, માધવ બાગ, બ્લોક નં. ૭૭/એચ, ખાતે રહેતા પતિ શકિતસિંહ ગંભીરસિંહ પરમાર, સાસુ જસદણ તાલુકાના વીંછીયા ગામના પ્રકાશબા ગંભીરસિંહ પરમારની વિરુઘ્ધ આઇપીસી કલમ-૪૯૮ (ક), ૩૦૬, ૧૧૪ મુજબ ફરિયાદ નોંધાવી હતી.
વિગત અનુસાર ફરિયાદીના બહેન મરણ જનાર ધર્મિષ્ઠાબા (ઉ.વ.ર૬) ને તેના પતિ અને સાસુ અવારનવાર કરીયાવર ઓછો લાવી છું, તેમ કહીને મેણાટોણા મારી દુ:ખ ત્રાસ આપતા હતા, મારકુટ કરતા હતા, આ ત્રાસના કારણે તેણીને મરી જવા માટે મજબુર કરતા તેણીએ ગળાફાંસો ખાઇને આપઘાત કરી લીધો હતો. આ ફરિયાદના આધારે પોલીસે તપાસ હાથ ધરી છે.