ગણેશ ચતુર્થી દરમિયાન ભક્તો અનેક પ્રકારની વાનગીઓ બનાવે છે અને પ્રસાદ તરીકે પીરસે છે. ગણેશ ચતુર્થી આજથી શરૂ થઈ છે અને દેશભરમાં ખૂબ જ ધામધૂમથી ઉજવવામાં આવશે. તમને જણાવી દઈએ કે ગણેશ મહોત્સવ સમગ્ર દેશમાં 10 દિવસ એટલે કે અનંત ચતુર્દશી સુધી ચાલશે. આ સમય દરમિયાન ભક્તો ભગવાન ગણેશની મૂર્તિની સ્થાપના કરે છે અને ખૂબ પ્રેમથી બાપ્પાને અર્પણ કરે છે.  જેથી તેમના આશીર્વાદ ભક્તો પર રહે છે.

આ સમય દરમિયાન તેમનો મનપસંદ ખોરાક મોદક ચોક્કસપણે ગણપતિને ચઢાવવામાં આવે છે. જે ખાવામાં ખૂબ જ સ્વાદિષ્ટ હોય છે. મોદક માત્ર એક જ નહીં પરંતુ અનેક પ્રકારના બનાવવામાં આવે છે. પણ શું ભક્તોને ખબર છે કે બાપ્પાને મોદક આટલા બધા કેમ ગમે છે?  આવો જાણીએ તેની પાછળની પૌરાણિકની કથા.

માતા પાર્વતીએ બનાવ્યા હતાં પહેલીવાર મોદક

ધાર્મિક ગ્રંથો અનુસાર ગણેશ ચતુર્થીની પૂજા દરમિયાન ભગવાન ગણપતિને પ્રસાદ તરીકે મોદક અર્પણ કરવા જરૂરી માનવામાં આવે છે. કારણ કે મોદક તેમના પ્રિય છે. એકવાર ભગવાન શિવ અને માતા પાર્વતી એકાંતમાં હતા. આ દરમિયાન તેમણે ભગવાન ગણેશને કોઈને અંદર ન આવવા દેવાની સૂચના આપી હતી.

આ દરમિયાન ભગવાન વિષ્ણુ પરશુરામના અવતારમાં ત્યાં પહોંચ્યા હતાં. પરશુરામ ભગવાન શિવના શિષ્ય હતા. ભગવાન વિષ્ણુએ ગણેશજીને કહ્યું કે તેઓ ભગવાન શિવને જોવા માંગે છે. પરંતુ ગણેશજીને કોઈને અંદર ન જવા દેવાની સૂચના આપવામાં આવી હોવાથી બાપ્પાએ ભગવાન વિષ્ણુને રોક્યા હતાં. જે બાદ તે ગુસ્સે થઈ ગયા અને પછી બંને વચ્ચે યુદ્ધ શરૂ થઈ ગયું હતું.

આ દરમિયાન ભગવાન વિષ્ણુએ મહાદેવ દ્વારા આપવામાં આવેલા પરશુ હથિયારનો ઉપયોગ કરીને ગણપતિજી પર હુમલો કર્યો હતો. હથિયાર મારવાને કારણે ગણેશજીનો એક દાંત તૂટી ગયો હતો. બાદમાં બંનેને પોતાની ભૂલનો અહેસાસ થયો અને યુદ્ધનો અંત આવ્યો હતો. પરંતુ એક જ દાંત હોવાના કારણે ભગવાન ગણપતિને ભોજન કરવામાં મુશ્કેલી પડી રહી હતી.

આ પછી તેની હાલત જોઈને માતા પાર્વતીએ તેના માટે ખાસ વાનગીઓ તૈયાર કરી હતી. ભગવાન ગણેશને તેમાંથી એક મોદક ખૂબ ગમ્યું હતું. તે ખાવામાં ખૂબ જ નરમ અને સ્વાદિષ્ટ હતું, તેથી ત્યારથી તેને ભગવાન ગણેશને મોદકના પ્રસાદ તરીકે ચઢાવવાનું શરૂ થયું છે.