સ્ટેટ મોનિટરિંગ સેલ દ્રારા દસ દિવસ અગાઉ રાજકોટ જિલ્લાના પડધરી તાલુકાના ખાખડાબેલા ગામે દરોડો પાડી ૧૫ લાખની રેતી ખનીજ ચોરીના મામલે પકડી પાડી હતી. રેતીની સાથો સાથ હિટાચી મશીન પણ કબજે લેવાયું છે. આ પ્રકરણમાં પોલીસે ત્રણ શખ્સોની ધરપકડ કરી છે અને અન્ય સાત હજુ પકડવાના બાકી છે.પડધરી તાલુકાના ખાખડાબેલા ગામે સર્વે નંબર ૧૭ માં ૪,૦૫૨ મેટિ્રક ટન અને સર્વે નંબર ૪૧૮ અને ૪૧૯ માં ૫,૩૩૧ મેટ્રીક ટન જથ્થો ઝડપી પાડો હતો. ૯૦૦૦ મેટિ્રક ટન જેટલા રેતીના આ જથ્થાની બજાર કિંમત ૧૫ લાખ આસપાસ થવા જાય છે. પોલીસે આ બારામાં સ્થળ પર રહેલા ત્રણ શખસોની ધરપકડ કરી છે અને અન્ય સાત શખસો નાસી છૂટા છે.