કોચિંગ સેન્ટર હવે તેમની સંસ્થામાં અભ્યાસ કરતા વિધાર્થીઓના ફોટાનો મફતમાં ઉપયોગ કરી શકશે નહીં. ગ્રાહક બાબતોનું મંત્રાલય હવે કોચિંગ સેન્ટરો પર કાર્યવાહી કરવાની તૈયારી કરી રહ્યું છે. આ અઠવાડિયે જ આ મામલે નવી માર્ગદર્શિકા જારી કરવામાં આવી શકે છે. જો કોઈ કોચિંગ સેન્ટર આ દિશાનિર્દેશોનું પાલન નહીં કરે તો તેને અયોગ્ય વેપાર ગણવામાં આવશે અને તેની સામે કાર્યવાહી કરવામાં આવશે.
આ મામલાને લગતા નિષ્ણાતોનું કહેવું છે કે કોચિંગ સેન્ટરો દ્રારા લગભગ તમામ અખબારોમાં સ્પર્ધાત્મક પરીક્ષાઓમાં ટોપ ૧૦માં આવનાર વિધાર્થીઓના ફોટોગ્રાસની જાહેરાતો પ્રકાશિત કરવામાં આવે છે. કોચિંગ સેન્ટર્સનો દાવો છે કે ટોપર વિધાર્થીએ તેમની સંસ્થામાંથી કોચિંગ લીધું છે. પરંતુ સંસ્થાઓનું આ વલણ લાંબું નહીં ચાલે. ગ્રાહક બાબતોનું મંત્રાલય હવે આ અંગે નવી માર્ગદર્શિકા જારી કરશે. હવે કોચિંગ સેન્ટરોએ તેમની જાહેરાતોમાં ઉલ્લેખ કરવો પડશે કે કોઈ ચોક્કસ વિધાર્થીએ તે સંસ્થામાંથી કયો કોર્સ પસદં કર્યેા અને તેનો સમયગાળો કેટલો હતો


વિધાર્થી પાસેથી પરવાનગી લેવી પડશે
હાલમાં, જયારે કોઈ વિધાર્થી પ્રવેશ માટે કોચિંગ સેન્ટર પહોંચે છે, ત્યારે સંસ્થા તેની સાથે પહેલેથી જ કરાર કરે છે કે જો તે સાં રેન્કિંગ મેળવશે, તો તે તેના ફોટોગ્રાફનો ઉપયોગ કરશે. પરંતુ હવે આ શકય બનશે નહીં. હવે સારો રેન્ક મેળવ્યા બાદ ફરીથી વિધાર્થી પાસેથી કોચિંગ સેન્ટરે પરવાનગી લેવી પડશે. તે વિધાર્થી પર નિર્ભર રહેશે કે તે કેન્દ્રને તેના ફોટોગ્રાફનો ઉપયોગ કરવા દેશે કે નહીં