સમસ્ત દલ જાડેજાના ઈષ્ટદેવ શ્રી રાવલ પીર ડાડા  જોડિયાના ત્રણ જુદા જુદા સ્થાને મંદિર માં બિરાજી રહયા છે,  શ્રી રાવળ પીર ડાડા રાજાશાહી વખતથી જોડિયાના દરબારગઢમાં બિરાજી રહયા છે અને પ્રથમ આષાઢી બીજ ડાડાના સાનિધ્યમાં ગામલોકો ઉજવે છે.

જયારે શ્રાવણ બીજ જોડિયાની નદીના ઉપલાં કાંઠે સીમ વિસ્તારના એક ખેતરમાં આવેલ મંદિરમાં વિરાજી રહયા છે  ત્યાં ખેડૂતો દ્વારા શ્રી રાવળ પીર ડાડાની પુજનવિધી દ્વારા ઉજવણી કરાય છે.

જ્યારે ત્રીજી ભાદરવી બીજ જોડિયાના ઉંડ નદીના ઉપલાં કાંઠે ડેરીમાં બિરાજી રહયા છે, ત્યાં મોટી સંખ્યામાં દલ જાડેજા પરિવાર દ્વારા શ્રદ્ધા અને ભકિત ભાવથી શ્રી રાવળ પીર ડાડા ની પુજનવિધી દ્વારા બીજની ઉજવણી કરાય છે. ખેડૂતો અને ગામલોકો શ્રી રાવળ પીર ડાડાના દર્શનનો લાભ મેળવે છે.