અમદાવાદમાં સાયબર ફ્રોડનો એક કિસ્સો પ્રકાશમાં આવ્યો છે. અહીં એક વૃદ્ધની ડિજિટલી ધરપકડ કરીને 1 કરોડ 26 લાખ રૂપિયાની છેતરપિંડી કરવામાં આવી છે. પોલીસે આ કેસમાં 4 લોકોની ધરપકડ કરી છે. આરોપીઓએ ભારતના મુખ્ય ન્યાયાધીશનું ડીપી લગાવીને છેતરપિંડી કરી હતી.
10 ઓક્ટોબરે એક વૃદ્ધ વ્યક્તિએ સાયબર ક્રાઈમ સેલમાં ફરિયાદ નોંધાવી હતી. તેણે કહ્યું કે તેને એક વીડિયો કોલ આવ્યો હતો, જેમાં કહેવામાં આવ્યું હતું કે તેના બેંક એકાઉન્ટનો ઉપયોગ મની લોન્ડરિંગ માટે કરવામાં આવ્યો છે. આ પછી આરોપીઓએ પોતાને પોલીસ ઓફિસર, સીબીઆઈ ઓફિસર અને સુપ્રીમ કોર્ટના ચીફ જસ્ટિસ તરીકે ઓળખાવ્યા. છેતરપિંડી કરનારાઓએ જણાવ્યું હતું કે તેમના ખાતામાંથી 2 કરોડ રૂપિયાનું ટ્રાન્ઝેક્શન થયું હતું.
વૃદ્ધે પોતાની ફરિયાદમાં કહ્યું, આરોપીએ કહ્યું કે મની લોન્ડરિંગ કેસમાં 5 વર્ષની સજા થશે. પછી તેણે ધમકીઓ આપવાનું શરૂ કર્યું. બાદમાં એક વ્યક્તિએ કહ્યું કે તમારી ઉંમર થઈ ગઈ છે, તમારા કોઈ સગા-સંબંધી નથી, તેથી તમે અમને લેખિત અરજી આપો તો અમે સુપ્રીમ કોર્ટના જસ્ટિસને તમારો કેસ પ્રાથમિકતાના આધારે ચલાવવા વિનંતી કરીશું અને તમારી ધરપકડ કરીશું નહીં. પરંતુ આ સ્થિતિમાં તમારી તપાસ તમારા ઘરે વીડિયો કોલ દ્વારા કરવામાં આવશે.
આ પછી, આરોપીઓએ વૃદ્ધ વ્યક્તિની ડિજિટલી ધરપકડ કરી અને તેના પર સતત નજર રાખી. તેમની પાસેથી બેંક ખાતા અને એફડીની માહિતી લીધી. ઠગોએ ધમકાવીને બેંકમાં રાખેલા પૈસા અને એફડી તોડીને તપાસ માટે મોકલવાનું કહ્યું હતું. એકાઉન્ટ વેરિફિકેશન પછી 48 કલાકની અંદર રકમ પરત કરવામાં આવશે એવો દાવો કરીને છેતરપિંડી કરનારાઓએ ભારતની સુપ્રીમ કોર્ટમાંથી નકલી પ્રમાણપત્ર બનાવીને રકમ મેળવી હતી. જ્યારે 48 કલાક બાદ પણ રકમ પરત ન આવતાં વૃદ્ધાએ ફરિયાદ નોંધાવી હતી. સાયબર ક્રાઈમ પોલીસે ચાર આરોપીઓની ધરપકડ કરી છે. અમદાવાદ સાયબર ક્રાઈમ સેલના એસીપી હાર્દિક માંકડિયાએ જણાવ્યું હતું કે, આરોપીઓએ આઈપીએસ અધિકારી તરીકે ઓળખાણ આપીને વૃદ્ધની ડિજિટલી ધરપકડ કરી હતી. ડીપીમાં ચીફ જસ્ટિસ ઓફ ઈન્ડિયાના ફોટો સાથે વીડિયો કોલ કરવામાં આવ્યો હતો. એસીપી હાર્દિક માંકડિયાએ જણાવ્યું હતું કે, વૃદ્ધાની ફરિયાદના આધારે અમે તપાસ કરી હતી કે પૈસા કયા ખાતામાં ટ્રાન્સફર થયા છે. અમને જુદા જુદા ખાતાઓની વિગતો મળી હતી, જેમાંથી કેટલાક બીજા સ્તરમાં ગુજરાતના હતા. અમને અમદાવાદના જ ત્રણ ખાતા મળ્યા, જેમાં દરેક વૃદ્ધના રૂ. 10 લાખ ટ્રાન્સફર થયા હતા. તપાસ બાદ અમે 4 આરોપીઓની ધરપકડ કરી છે.
પોલીસ અધિકારીએ કહ્યું કે તપાસમાં જાણવા મળ્યું છે કે વૃદ્ધોને વોટ્સએપ કોલ કંબોડિયાથી કરવામાં આવ્યા હતા. આ લોકો પહેલા ડમી એકાઉન્ટમાં પૈસા જમા કરાવે છે, ત્યારબાદ આ પૈસા બીજા લેયરમાં ક્રિપ્ટોમાં ક્ધવર્ટ થાય છે.