દિલ્હી એરપોર્ટ પર દિલ્હી-પુણે વિસ્તારાની ફ્લાઈટમાં બોમ્બની ધમકી મળી છે. જે બાદ તમામ મુસાફરોને તેમના સામાન સાથે સુરક્ષિત રીતે નીચે ઉતારવામાં આવ્યા હતા. જીએમઆર કોલ સેન્ટરને ફ્લાઈટમાં બોમ્બ હોવાનો કોલ મળ્યો હતો. એરપોર્ટ પર આઇસોલેશન બે ખાતે એરક્રાફ્ટનું નિરીક્ષણ કરવામાં આવ્યું હતું. પ્લેનમાં કોઈ શંકાસ્પદ વસ્તુઓ મળી નથી. CISF અને દિલ્હી પોલીસના વરિષ્ઠ અધિકારીઓએ આ વાતની પુષ્ટિ કરી છે.

એરપોર્ટ પર આઈસોલેશનમાં વિમાનની તપાસ ચાલી રહી છે. તમામ મુસાફરોને તેમના સામાન સાથે સુરક્ષિત રીતે નીચે ઉતારવામાં આવ્યા છે. જીએમઆર કોલ સેન્ટરને શુક્રવારે સવારે 8.53 વાગ્યે ફ્લાઈટમાં બોમ્બ હોવાનો કોલ મળ્યો હતો. અત્યાર સુધીની તપાસમાં કંઈ મળ્યું નથી. વિમાનમાંથી કોઈ શંકાસ્પદ વસ્તુઓ મળી નથી. ફ્લાઇટની અંદર અને બહાર સંપૂર્ણ તપાસ કરવામાં આવી હતી પરંતુ કોઈ વિસ્ફોટક કે શંકાસ્પદ વસ્તુઓ મળી ન હતી.

પોલીસના જણાવ્યા અનુસાર ફ્લાઈટમાં કંઈપણ શંકાસ્પદ મળ્યું નથી. સર્ચ ઓપરેશન બંધ કરવામાં આવ્યું હતું અને બોમ્બ કોલને હોક્સ કોલ જાહેર કરવામાં આવ્યો હતો. દિલ્હી પોલીસ નકલી કોલ કરીને બોમ્બ વિશે ખોટી માહિતી આપવાના મામલામાં એફઆઈઆર નોંધીને કોલ કરનારની ઓળખ કરી રહી છે.