• એપથી બાઇક રાઇડમાં ઘરે જતી વખતે પટકાતા લોરી તેના પર ફરી વળી
• હેસ્મેટ પહેર્યું હોવા છતાં એક્ટ્રેસ સુચન્દ્ર દાસગુપ્તાનો જીવ બચી શક્યો નહીં

બંગાળી ટીવી ઈન્ડસ્ટ્રીના જાણીતી એક્ટ્રેસ સુચન્દ્ર દાસગુપ્તાનું માર્ગ અકસ્માતમાં તેનું ઘટનાસ્થળે જ મોત થયું હતું. તેણે 'ગૌરી એલો' જેવા ટીવી શોમાં  ભૂમિકા ભજવી હતી. સુચન્દ્રા દાસગુપ્તાના આકસ્મિક નિધનના સમાચારથી તેના ફેન્સ અને નજીકના મિત્રોને ઘેરો આઘાત લાગ્યો છે. શનિવારની રાત્રે જ્યારે તે શૂટિંગ કરીને પરત ફરી રહી હતી ત્યારે તેની બાઇક અકસ્માતનો ભોગ બન્યો હતો.

સુચન્દ્ર કોલકાતાના પાણીહાટીની રહેવાસી હતી. પોલીસના જણાવ્યા અનુસાર, અભિનેત્રીએ ઘરે જવા માટે એપ આધારિત બાઇક રાઇડની સેવા લીધી હતી. ઘોષ પરા વિસ્તાર પાસે તેમનો જીવલેણ અકસ્માત થયો હતો. એપના આધારે બાઇક ચલાવનાર વ્યક્તિએ અચાનક તેની સામે સાઇકલ આવી જતાં બ્રેક લગાવવાનો પ્રયાસ કર્યો.

અચાનક બાઇક થોભાવવાથી લાગેલા આંચકાને કારણે અભિનેત્રી થોડે દૂર પડી ગઈ હતી. ત્યાંથી પસાર થતી લોરી તેમની ઉપર ચઢી ગઈ. અકસ્માતના પ્રત્યક્ષદર્શીઓના જણાવ્યા અનુસાર, અભિનેત્રીએ હેલ્મેટ પહેરી હતી, પરંતુ તેનાથી તેનો જીવ બચ્યો ન હતો.

આસપાસના લોકો મદદ માટે આગળ આવ્યા, તેને હોસ્પિટલ લઈ ગયા, પરંતુ તેણે ઘટનાસ્થળે જ અંતિમ શ્વાસ લીધા. પોલીસે બાઇકચાલકની ધરપકડ કરી છે. આ અકસ્માતથી દરેક જણ દુઃખી અને આઘાતમાં છે. સુચન્દ્રા ટીવી શોમાં નાની-નાની ભૂમિકાઓ ભજવતી હતી. તેણી માત્ર 29 વર્ષની હતી. અકસ્માત બાદ, સ્થાનિકોએ વિરોધ કર્યો, જેના કારણે વ્યસ્ત બીટી રોડ પર નાકાબંધી કરી દેવામાં આવી.