રાજકોટ શહેરના આનંદ બંગલા ચોક નજીક વિમલ નમકીન નામની પેઢીમાં આરોગ્ય વિભાગ દ્વારા દરોડા પાડવામાં આવ્યા હતા. તહેવાર હવે નજીક આવી રહ્યા છે. જેમાં લોકો સૌથી વધુ ફરસાણ આરોગતા હોય છે. તે પહેલાં મનપાનું આરોગ્ય વિભાગ એક્શન મોડમાં આવ્યું છે અને અલગઅલગ જગ્યાએ દરોડા પાડી ચેકીંગ કરવામાં આવ્યું હતું.

આ ચેકીંગ દરમિયાન આનંદ બંગલા ચોક પાસે આવેલા વિમલ નમકીનમાં અનહાઇજેનિક ફૂડ, સ્વચ્છતાનો અભાવ, મોટી માત્રામાં દાઝિયું તેલ મળી આવ્યું હતું. તેમજ ફરસાણ બનાવવામાં કપડા ધોવાના સોડાનો ઉપયોગ થતો હોવાનું પણ સામે આવ્યું છે. ત્યારે હવે મનપા દ્વારા આ પેઢી સામે કાર્યવાહી હાથ ધરવામાં આવશે.