ધ્યાન આપતા ન હોવાની મામાને વાત કરતાં પતિએ કરેલો હુમલો

જામનગર અંધાશ્રમ વિસ્તારમાં રહેતો એક ટ્રક ડ્રાઇવર વિફર્યો હતો, અને પોતાની પત્ની પર હુમલો કરી દેતાં તેણીને સારવાર માટે જી.જી હોસ્પિટલમાં દાખલ કરાઈ છે, જ્યારે પતિ સામે હુમલાની ફરિયાદ નોંધાવી છે.
 જામનગરમાં અંધ આશ્રમ ફાટક પાસે હનુમાન ચોકમાં રહેતી હકુબા રણજીતસિંહ જાડેજા નામની ૩૫ વર્ષની મહિલાએ પોતાના ઉપર લાકડી વડે હુમલો કરી ઢીકાપાટુનો માર મારી ઇજા પહોંચાડવા અંગે પોતાના પતિ રણજીતસિંહ પ્રાગજી જાડેજા સામે ફરિયાદ નોંધાવી છે, જ્યારે તેણીને જી.જી. હોસ્પિટલમાં સારવાર માટે ખસેડવામાં આવી હતી.
હકુબાના મામા સજુબા જાડેજા ઘેર આવ્યા હતા, તેઓ પાસે પોતાનો પતિ હેરાન પરેશાન કરી ઘરમાં ધ્યાન આપતો ન હોવાની રજૂઆત કરતાં તેમજ ઘરમાં ગેસના બાટલા બાબતે ઉશ્કેરાયેલા પતિએ આ હુમલો કરી દીધાનું પોલીસમાં જાહેર થયું છે.