સોની સબની ફેમસ સીરીયલ તારક મહેતા કા ઉલ્ટા આ દિવસોમાં ખરાબ કારણોસર ચર્ચામાં છે. આ સીરિયલમાં મહત્વની ભૂમિકા ભજવનાર શૈલેષ સોઢાએ થોડા સમય પહેલા જ શો છોડી દીધો હતો. શૈલેષ સોઢા પછી હવે રોશન સોઢીની ભૂમિકા ભજવનાર અભિનેત્રી જેનીફર મિસ્ત્રીએ પણ આ શોને અલવિદા કહી દીધું છે. જેનિફરે શોના નિર્માતા અસિત કુમાર મોદી પર પણ જાતીય સતામણીનો આરોપ લગાવ્યો છે. તેણે અસિત મોદી અને તેની પ્રોડક્શન ટીમના બે લોકો વિરુદ્ધ ફરિયાદ નોંધાવી છે.

આ સમગ્ર ઘટના બાદ શોના નિર્માતા અસિત કુમાર મોદીનું નિવેદન સામે આવ્યું છે. અસિત મોદીએ કહ્યું કે, તે તેના કામ પર ધ્યાન કેન્દ્રિત કરતી ન હતી. અમારે તેના વર્તન અંગે પ્રોડક્શન હેડને નિયમિતપણે ફરિયાદ કરવી પડતી હતી. તેણે છેલ્લા દિવસે યુનિટના સભ્યો સામે અપમાનજનક વર્તન કર્યું હતું અને તેનું શૂટ પૂર્ણ કર્યા વગર સેટ છોડી દીધો હતો. જેનિફર મિસ્ત્રી વિશે હર્ષદ જોશી, રૂષિ દવે અને અરમાનની ડાયરેક્શન ટીમે જણાવ્યું હતુ કે, તે શોમાં આખી ટીમ સાથે ગેરવર્તણૂક કરતી હતી.

શૂટિંગમાંથી બહાર નીકળતી વખતે, તેણે લોકોની કાળજી કર્યા વગર પોતાની ગાડીને ફુલ સ્પીડમાં ચલાવી બહાર નીકળી હતી. તેણે સેટની મિલકતને પણ નુકસાન પહોંચાડ્યું હતું. શૂટ દરમિયાન તેના ખરાબ વર્તન અને અનુશાસનહીનતાને કારણે તેની સાથેનો કરાર સમાપ્ત કરવો પડ્યો. આ ઘટના દરમિયાન અસિત મોદી યુએસએમાં હતા. તે હવે પાયાવિહોણા આરોપો લગાવીને અમને અને શોને બદનામ કરવાનો પ્રયાસ કરી રહી છે. અમે આ પાયાવિહોણા આરોપો સામે સંબંધિત અધિકારીઓ સમક્ષ અમારી ફરિયાદ નોંધાવી ચૂક્યા છે. તેમ પ્રોજેક્ટ હેડ સોહિલ રામાણી અને જતીન બજાજે કહ્યું હતુ.અ મે કાયદેસરની કાર્યવાહી કરીશું કારણ કે તે મને અને શો બંનેને બદનામ કરવાનો પ્રયાસ કરી રહી છે. અને પાયાવિહોણા આક્ષેપો કરી રહી છે.”