કેબિનેટ સચિવની અધ્યક્ષતામાં દિલ્હી અને પંજાબ સહિત તમામ પડોશી રાજ્યો સાથે બેઠક યોજાઈ હતી. ઉચ્ચ સ્તરીય બેઠકમાં ઘણા મહત્વના નિર્ણયો લેવામાં આવ્યા છે. વાયુ પ્રદુષણ સામેની જંગમાં પોલીસ તૈનાત કરવાનો નિર્ણય લેવામાં આવ્યો છે. આ સિવાય તમામ રાજ્યોને પ્રદૂષણ ફેલાવનારાઓ સાથે કડક કાર્યવાહી કરવા સૂચના આપવામાં આવી છે.
વાયુ પ્રદૂષણની ખતરનાક પરિસ્થિતિનો દિલ્હી સામનો કરી રહ્યું છે, તેમણે રાજ્ય સરકાર દ્વારા પ્રસ્તાવિત ઓડ-ઇવન ફોર્મ્યુલાને નકારી કાઢી છે, તેના બદલે તેણે અન્ય વિકલ્પો અજમાવવાનું સૂચન કર્યું છે, જેમાં કૃત્રિમ વરસાદ જેવા વિકલ્પોનો પણ સમાવેશ થાય છે. આ સાથે જ રાજ્યોને હવા પ્રદૂષણ સામેના આ અભિયાનમાં પોલીસ તૈનાત કરવા સૂચના આપવામાં આવી છે, જેથી પરાલી બાળતા લોકો અને વાયુ પ્રદૂષણ ફેલાવતા વાહનો સામે કડક કાર્યવાહી કરી શકાય.
વાયુ પ્રદૂષણના જંગનો સામનો કરવા માટે કેન્દ્રએ બુધવારે સુપ્રીમ કોર્ટના નિર્દેશો પર કેબિનેટ સચિવ રાજીવ ગૌબાના નેતૃત્વમાં ઉચ્ચ સ્તરીય બેઠકમાં આ નિર્દેશો આપ્યા છે. બેઠકમાં વન અને પર્યાવરણ મંત્રાલયના સચિવ લીના નંદન સાથે કૃષિ, ઉર્જા અને શહેરી વિકાસ મંત્રાલયના સચિવો, પંજાબ, હરિયાણા, ઉત્તર પ્રદેશ સહિત તમામ પડોશી રાજ્યોના મુખ્ય સચિવો અને ડીજીપી અને પ્રદૂષણ બોર્ડ સાથે સંકળાયેલા વરિષ્ઠ અધિકારીઓ હાજર રહ્યા હતા.
લગભગ ત્રણ કલાક સુધી ચાલેલી આ ઉચ્ચસ્તરીય બેઠકમાં સુપ્રીમ કોર્ટની સૂચના મુજબ વાયુ પ્રદૂષણની ગંભીર સ્થિતિને પહોંચી વળવા તાત્કાલિક અને લાંબા ગાળાના પગલાં અંગે લાંબી ચર્ચા થઈ હતી. આ દરમિયાન તમામ રાજ્યોએ પોતપોતાની દરખાસ્તો પણ આપી હતી.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationમોસ્કોમાં PM મોદીનું કરાયું ભવ્ય સ્વાગત, રશિયન કલાકારોએ હિન્દી ગીત પર કર્યુ નૃત્ય
July 08, 2024 11:40 PMજમ્મુના કઠુઆમાં સેનાના વાહન પર આતંકી હુમલો, 5 જવાન શહીદ, 5 ઘાયલ
July 08, 2024 11:36 PMગુજરાતમાં 226 વ્યાજખોરો સામે 134 FIR દાખલ
July 08, 2024 11:35 PMCopyright © 2023-2024 Aajkaal Daily
Developed by Rhythm Infotech